2.Uea 17:18 - Te B'aib'ara

¹⁸ E a rangi ni maraki nanon te UEA irouia Iteraera, ma ngaia are, E a kariaia b'a a na uotaki nako b'a taenikai. Bon ti aomata ake a maeka i Iuta aika a tiku,

2.Uea 17:18 ပူးပေါင်းရင်းမြစ်များ

1.Uea 11:13

Ngkana I karaoa aei, ao N na anganna naba teuana te baronga b'a e na tautaekanna, i bukin au tia m'akuri are Tawita, ao i bukin naba Au kaawa are Ierutarem.

1.Uea 11:32

Ma e na bon tiku teuana te baronga b'a e na tautaekanna Toromon i bukina ngke bon natin Tawita are au tia m'akuri, ao i bukina naba ngke Ierutarem are te kaawa ae e rineaki.

1.Uea 11:36

ma e na teimatoa natin Toromon te m'aane n tautaekana teuana te baronga. Ao e na teimatoa iai ana kariki Tawita are au tia m'akuri n tautaeka i Ierutarem, te kaawa are I tia n rineia b'a te tabo are N na taromauriakaki iai.

1.Uea 12:20

Ao ngke a ongo Iteraera ae e a oki Ieroboam, ao a butiia aomata ni kabane b'a a na boowi. Ao i mwiina ao a kanaanako wetean Ieroboam ao a karikia b'a uean Iteraera. Bon tii kaain te baronga are Iuta ae e teimatoa ni kakaonimaki nakon ana utu Tawita.

1.Uea 8:46

A bure aomata ni kabane. Ma ngkana a karaoa te bure am Aomata nakoim, ao tao Ko a un irouia ao Ko a karokoia aia kairiribai b'a a na katikiia nako abaia I-Anena.

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 21:14

Ao N na bon kamaunaiia naba au Aomata ake nikira ni maiu. A na konaaki ma ni iraeaki irouia aia kairiribai.

2.Uea 23:27

Ao E taku te UEA, N na kamaunanakoia kaain Iuta, n aron kamaunanakoaia Iteraera naba irou. N na aki manga kubara Ierutarem, e aoria ngke I a tia n rineia b'a au B'ai. N na kitana te Tembora aei ae e karaoaki i buku.

2.Uea 24:3

ao ngkai E a kakoroa bukina. E nang kamaunaaki te aba ae Iuta, i bukina ngke e a tia ni bure Manate,

Taian Areru 51:13

N na reireiniia taani bure am Tua, Ao a na rairaki nakoim.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 52:3

ao bon Tetekia are e a manga kakaitaraa Nebukaneta n te kabanea n tai. A a tia kaain Iuta ao Ierutarem n rangi ni kauna te UEA n te aro are n tokina e a tannako mairouia. Ao bon anne bukina are e riki iai b'aai aika a rangi ni kakamaaku.

Ieremia 7:15

Ao i bukimi ngkami aika kaain Iuta, N nang kanakoingkami man abau, N aron kanakoaia kaain Eberaim ao kaain baronga ake i meaang.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Otea 12:3

I m'ain bungiakin Iakob'a, E a kaman kam'anea tarina, ao ngke e tabe n rikirake, e manga un ma te Atua.

Otea 9:3

ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Te Tua-Kaua 32:20

ao E taku, Kam aki kakaonimaki, ao bon akea onimakinakimi. Ma ngaia are, N na aki kaekaa ami tataro; N nangi bon ti mamataku naba ma n taratarai b'aai aika na riki nakoimi.

Iotua 23:13

ao E na bon aki manga kakioia nako botannaomata aikai mai m'aimi te UEA ae te Atua ngkana kam buakaniia. Ma ana riki b'a b'aai aika a na kakamaaku nakoimi n ai aron te kaini kab'aru ma te abea. Ao a na riki naba b'a b'aai aika a kammaraki n aron te kainikataere i nuukami ao te kateketeke i nanon matami, ao e na teimatoa n riki aei nakoimi ni karokoa banemi man te aba aei, ae E a tia n anganingkami te UEA ae Atuami.

Iotua 23:15

E bon kakakoroa bukin Ana berita te UEA n anganga te kab'aia ao te rekenikai nakoia ana aomata.

Tani Motiki-taeka 18:30

E ngae ngke Titon te tabo n taromauri, ma a katei ana bouananti Mika ake karaoi kaain Taan. Ao a taromauria te bouananti, ao aia ibonga boni kanoan Rewi, are arana Ionatan, ao bon kanoan Kerition ngaia are natin Moote te m'aane. A m'akuri kanoana b'a ibongan te baronga are Taan, ni karokoa te tai are a uotaki nako iai Iteraera b'a taian taenikai.