2.Uea 17:17 - Te B'aib'ara

¹⁷ A kabonganaa te tabunea, ao m'akuri ni ibonga i bukiia anti, ao a anga oin natiia b'a taiani karea. A kakaraoi b'aai ake E ribaai te UEA Iteraera.

2.Uea 17:17 ပူးပေါင်းရင်းမြစ်များ

1.Uea 14:15

A tia aomatan Iteraera ni kauna te UEA ngke a katei bouanantin Nei Aatera. E na katuaaia te UEA ni karokoa a ioaki kaanga uteute i nanon te karaanga. E na uotia nako mai i aon te aba are E anganira ngkoa aia bakatibu, ao E na kauamaaeia ni karokoa te Karaanga are Iuberetiti.

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

1.Uea 21:25

Akea te aomata n aron Aaba, ae e kabonakoa i bukin karaoan te buakaka i matan te UEA, ao ni kairoroaki iroun buuna ae Ietebera.

2.Uea 16:3

ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 17:11

A anga taiani karea n taiani baangota n aron are a kakaraoia ngkoa botannaomata ake ianena i m'aain kakionakoaia mai Iteraera iroun te UEA. A karaoi buure aika a rangi ni buakaka n te aro are E a rangi n un iai te UEA.

2.Uea 17:31

ao ake mai Awa, a karaoa te anti are Nibeati ma Taretaka, ao kaain Tebarawaim, a kareani natiia nakon oin antiia ake Aterammereka, ao Anammereka.

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

2.Rongorongo 28:3

ao e anga karea n te M'arua are Innom. Ana bure ae e rangi ni buakaka ngke e anga oin natina te m'aane b'a ana karea, are bon te katei ae moan te buakaka ngkoa irouia te botannaomata ake a kanakoaki iroun te UEA mai aon Iteraera.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Itaia 47:9

A na toki korakoran m'aakam n tabunea ma am b'ainikawai, ao ane e na akea buum ao a na mauna nako natim.

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Ieremia 19:5

Ao a tia ni karaoa te tiriaomata ikai, ma ni kabuokiia natiia, ataei aika akea aia bure b'a aia karea nakon B'aara. I bon tuai n tuangkami b'a kam na karaoa te b'ai anne.

Ieremia 25:7

Ma kam rawa n ongo irouia burabeti. Ma ngaia are Ngai ae te UEA ae I taekinna b'a kam a tia ni kamaraka nanou n taromauriia bouannanti, ao bon ngkami aika kam maraki n te b'ai are kam karaoia.

Ieremia 27:9

A na bon iai aomata i nanon abanueam aika a taku b'a a konaa n taekin kanoan boong aika a na roko ke n taetae ma maate ke taiani mii ke rongorongo mairouia anti. Ma kam na aki katabei nanomi irouia ngkana iai mairouia ae e tuangkami b'a kam na aki ongotaeka i roun Nebukaneta.

Ieremia 7:31

Kam a tia ni katea te baonikarea i Tobeta n te M'arua are Innom ike kam tiringiia ami ataei iai ma ni kabuokiia b'a taiani karea nako ia anti tabem'aang. I bon tuai man tuangkami b'a kam na karaoa te aekaki aei.

Etekiera 16:21

Ko tiringiia natiu, b'a ko aonga ni konaa n anaia b'a am karea.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Etekiera 20:31

b'a a manga taromauri bouannanti ao a anga oin natiia b'a taiani karea. A karaoi taiani bure aikai ao a bon teimatoa naba ni kaantaningaia b'a a bon konaa n bubutiai te rongorongo b'a N na kaotia nakoia. Ngkai bon te UEA ae te Atua Ngai ae I maiu, ao N na bon aki anganiia te kaeka.

Etekiera 23:37

E a tia n aki kakaonimaki ngke a taromauri taiani bouannanti, ao a tia ni karaoa te bure n tiritiri ngke a karean oin natiia b'a aia angab'ai nakon taian bouannanti.

Etekiera 23:39

A kabuakaka au Tembora ni bon te bong are a anga iai natiu b'a aia karea nakon taiani bouannanti!

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Nakoaia Ibonga 19:26

Tai kana irikon man aika kawakawa n aki akaaka. Tai karaoi m'akuri n tabunea.

Nakoaia Ibonga 19:31

Tai karikingkami ni kam'araa nako Iu ni kawarakiia aomata aika taku b'a a kona n taetae ma te mate.

Mika 5:12

N na urui m'aakan am tabunea ake ko tabuneaiko iai, ao N na katikuko b'a te tabo ae akea te tia kaiwa iai.

M'akuri 16:16

Ngke ti nako n te ne n tataro, ao ti kaitibo ma te ateiaine ae kaboaki b'a te toro. E taniaki iroun tamneini Buton, ao e karekei ni kabatiai aia b'ai ana toka man arona n taekini baika na riki nakoni boong aika na roko.

I-Rom 7:14

Ao ti ataia b'a te Tua boni mairoun te Atua, ma bon te rab'ata ngai, ae kaboaki b'a ana toro te bure.

I-Karatia 5:26

Ti na tai riki ni kainikatonga, ti na tai i kaunun, ao ti na tai i babakantang.

Te Tua-Kaua 32:16

Kam kamaraka nanon te UEA ao kam kaunna ngke kam taromauriia bouananti aika bati n ribaaki ao atuaia ianena.

Te Tua-Kaua 4:25

Ao ane kam na waekoa n ri nanon te Karaanga are te Ioretan ma n tekateka n te aba. Ao n ririki aika na roko, ao a na riki natimi, ao a na manga karikiia tibumi. Ao i mwiin ririki aika bati, ao ane kam na m'aninganako, ao kam na karaoi bouananti, e ngae ngke E ribaai te UEA ae Atuami. Ma ngaia are, I anganingkami te kauring n te bong aei, ao I wetea te aonnaba ma karawa b'a taani kakoaua. Ngkana kam karaoa te bouananti, ao E na un te UEA, ao a na aki ananau maiumi, i bukina b'a E na tiringingkami.