2.Uea 17:16 - Te B'aib'ara

¹⁶ A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Uea 17:16 ပူးပေါင်းရင်းမြစ်များ

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

1.Uea 14:15

A tia aomatan Iteraera ni kauna te UEA ngke a katei bouanantin Nei Aatera. E na katuaaia te UEA ni karokoa a ioaki kaanga uteute i nanon te karaanga. E na uotia nako mai i aon te aba are E anganira ngkoa aia bakatibu, ao E na kauamaaeia ni karokoa te Karaanga are Iuberetiti.

1.Uea 14:23

A boni karaoi naba oin aia baangota, ma taamnein anti Ianena n taian atiibu, ao a katei bouannanti i bukin taromaurian te anti are Nei Aatera i aon taian tabuki ao i aan nuun kaai aika a korakora.

1.Uea 15:13

E boni karaoa naba bannan Nei Aatera tibuna are Nei Maaka, ao e anaia Ata ni kabuokia n te M'arua are Kiteron. Ao i mwiina, e kab'aka tibuna man nnena are te ueanaine ae te tina.

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

1.Uea 16:33

ao e katea te atiibu ae e tabu i bukin taromaurian te anti te aine are Nei Aatera. E boni karaoi b'aai aika e na rangi n un iai te UEA ae Atuan Iteraera nakoia uea ake mai m'aaina.

1.Uea 22:53

E taromauria B'aara te uea are Aatia ao e rangi ni kauna te Uea ae Atuan Iteraera, n aron are e tia ni karaoia tamana.

2.Uea 1:2

natin aia uea te m'aane are te uea are Aatia, kaain te aba are Moaaba. Ao n te bong teuana, ao e a b'aka te uea are Aatia i nanon kaai aika a irariki are e katobibiaki ana buia iai i taubukin ana bareti are i Tamaria, ao a rangi ni korakora ikoakina. Ma ngaia are, e a kanakoia ana tia uarongorongo nakon te kaawa are Ekiron ma ana titiraki nakon te anti are Baretebub'a b'a e na kona ni marurung man aorakina ke e na aki.

2.Uea 11:18

Ao i mwiin arei, ao a nako aomata n rin n te tembora are e karaoaki i bukin neboakin B'aara, ao a kab'aka. A urui taiani baonikarea ao taiani bouananti ao a tiringa Matan are ana ibonga B'aara, i matan te baonikarea. I mwiina ngke e a tia Ieoiata ni katikuia taan tei ni katobibia te Tembora,

2.Uea 16:3

ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 17:10

A karaoi naba bouanantin antiia ianena, ma baangota i bukin taromaurian Nei Aatera i aon taian tabuki nako, ao i aan nuun aroka nako aika a buubura.

2.Uea 18:6

E rangi n ongotaeka iroun te UEA man irii nanon tua ake E anga ngkoa te UEA nakon Moote i bukiia aomata.

2.Uea 21:3

E a manga katei taian bouananti ake e a tia tamana are Etekia n urui. E a manga karaoa te baonikarea i bukini Baara ao e katea naba te boua ae e tabu i bukin taromaurian te anti are Nei Aatera, n aron are e a tia ni karaoia ngkoa uean Iteraera are Aaba. Ao e kakaonimaki n taromauria itoini karawa.

Te Otinako 32:4

ao i mwiina, e kaburoi ni karanii ao e karaoi nakon bannan te kao te ataei. Ao a taku aomata, temanna nakon temanna, “Bon aei te atua are e kaotinakoira mai Aikubita!”

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Itaia 2:8

A taromaurii taiani bouannanti aika a tia ni karaoi n taabo nako i nanon te kaawa.

Ieremia 19:13

ma ni kabuoka te b'ai ni kaboiarara nako ia taian itoi i karawa, b'a kaanga manga taian anti. Ao kam a tia n anga taiani karea aika te wain nako ia antiia ianena.

Ieremia 44:17

Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Etekiera 23:8

N te tai are e karaoi iai baikai i Aikubita, e aki manga konaa ni katokia. A wene m'aane ma ngaia, ao e a bon tatauraoi naba nakon te wene ni bure.

Nakoaia Ibonga 26:1

E taku te UEA, “Boni Ngai te UEA ae Atuami. Ma ngaia are, tai karaoa ke n taromauria te bouannanti teuana ke katotoongan b'aai tabeua.

Te Tua-Kaua 16:21

Ngkana kam karaoa te baonikarea i bukin te karea nakon te UEA ae Atuami, ao kam na aki karaoi taian nikawewe ake b'ain taromaurian te anti are Nei Aatera.

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.