2.Uea 17:15 - Te B'aib'ara

¹⁵ A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

2.Uea 17:15 ပူးပေါင်းရင်းမြစ်များ

1.Uea 11:11

ao E taku nakon Toromon, Ko boni karaoa ae ko tangiria, ao ko aki karaoa are I tuangko. Ma ngaia ae ngkai N nang anaa abanueam mai iroum, ao N na angan temanna mai buakoia am aobitia.

1.Uea 16:13

A bure Baatia ma Era ao a karekeia Iteraera n te bure, ao a kauna te UEA ngke a taromauri bannaia anti.

2.Uea 17:8

ma ni katotoonga kateia botannaomata ake E kanakoia ngkoa te UEA mai Iteraera, ao kaanga ai aron aia bure uean Iteraera.

2.Rongorongo 24:19

ma E bon teimatoa naba ni kananakoia burabeti ake a na kauringiia b'a a na rairaki nako ina. Ma a aki kan ongo aomata.

2.Rongorongo 33:2

E aki ongotaeka Manate iroun te UEA ngke e katotoongi kateia botannaomata ake e kakioia nako te UEA mai aon Iteraera.

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 115:8

Ni kabane aomata ake a karaoi bouannanti ma n onimakin bon akea uaaia kanga ai aroia bouannanti ake akea uaaia.

Taian Areru 78:10

A aki kawakina aia boraraoi ma te Atua; A rawa n ongeaba nakon ana tua.

Te Otinako 16:28

Ao E taku te UEA nakoni Moote, “E aera ngkai kam aki kan ongo Au babaaire ngkami aika au aomata?

Ieremia 10:15

Kaanga bon ti taian b'ai ni keekewe ao a na manga kamaunaaki ngkana e a roko te tai.

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Ieremia 2:5

ao N na taetae Ngai ae te UEA. I aki roko n te karaoa ae e buakaka nako ia ami bakatibu, ma a kiitanai ao a riki n aki manena ngke a iriia bouananti aika akea manenaia.

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 44:23

E riki te kabuanib'ai aei i bukina ngke kam taromauri anti tabem'aang ao kam kakaitaraa te UEA ma n rawa n ongo i Rouna ke n iri Ana tua ma Ana reirei nako.

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Ieremia 44:8

Kam a tia ni kaunai ngke kam a manga taromauriia te bouananti ao kam kabuoka te b'ai ni kaboiarara nako ia anti ngke kam roko ikai mai Aikubita. Kam na mate n te mate ae e ribaaki, n te aro are a na kamanenaa aran Iuta b'a te taeka ni karereanti.

Ieremia 7:26

Ma kam aki kubarai ao kam karikirakea riki taningabonomi ao karaoan te bure nakon are a karaoia ami bakatibu!

Ieremia 8:9

A a tia ni katinanikui baika I taekin ami taani wanawana, ai ngaia are, akea wanawanaia. A riai ni kam'aneaki ngkai ma ni kamaamaaeaki; a aki ataa te b'ai ae a riai ni karaoia.

Etekiera 12:2

Etekiera ae natin te aomata, ko maeka i buakoia taani kamangao. Bon iai mataia, ma a rawa n taratara; iai taningaia ma a rawa ni kakauongo.

Etekiera 2:3

Etekiera, I kanakoko nakoia Iteraera. Ti te bo aroia ma aia bakatibu aika a kakaitaraai ao a aki tangiria ni katoka aroia arei.

Nakoaia Ibonga 26:15

Ngkana kam rawa n ongo n au tua ma au Kaetieti nako, ao ngkana kam urui au boraraoi,

Iona 2:8

Akana a taromauri bouannanti aika akea maneia, a tia ni kitana karineam.

Ioane 2:8

Ao E a manga taku riki, “Itiia ao uotia nakoni mataniwin te botaki n am'arake.”

1.I-Korinto 8:4

Ma ngaia are i bukini ngkanne kanakin am'arake ake karea nakoni bouannanti, ao aei taekana: ti ataia b'a akea te bouannanti ae maiu i aonnaba, ao bon ti temanna te Atua ni koaua, ao akea riki.

Te Tua-Kaua 18:10

Kam na aki kareani natimi m'aane ke natimi aine. Ao kam na aki naba kataia ni karaoi taian m'akuri n tabunea, ke m'akuri ni ibonga irouia anti n tataekin kanoan boong aika tuai roko ke ni kamaraiaia aomata, ke n taetae ma tamneia aika mate.

Te Tua-Kaua 29:24

Ao ane a na titiraki aomatan botannaomata tabeua ni kaangai, E aera ngkai E kamaunaa te aba aei te UEA? Tera ae E a rangi n un iai?

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.

1.Tamuera 12:21

Kam na aki taromaurii taian bouananti! Bon akea m'aakaia, ao a bon aki konaa ni buokingkami ke ni kamaiungkami ngkana kam a reke n te kangaanga.