2.Uea 17:13 - Te B'aib'ara

¹³ Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Uea 17:13 ပူးပေါင်းရင်းမြစ်များ

1.Uea 16:1

Ao te UEA e kanakoa Ieu are natin Anani b'a e na taetae nakon Baatia ni kaangai:

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 18:6

E rangi n ongotaeka iroun te UEA man irii nanon tua ake E anga ngkoa te UEA nakon Moote i bukiia aomata.

2.Uea 21:10

E taku te UEA n te bong teuana nakoia ana burabeti:

1.Rongorongo 29:29

A koreaki naba mwiin b'aai ni kabane ake e karaoi Tawita i nanon ana tai ni uea n te rongorongo are a koreia burabeti ake Tamuera, Natan, ao Kata.

Iobi 11:14

Kanakoa te bure ma te buakaka man am auti.

Iobi 36:10

E karaoia b'a a na ongora nakon Ana kauring, b'a a na rairaki nako man te buakaka.

Taian Areru 50:7

Au botannaomata, kam na ongora, b'a N na taetae ni kaoti ami bure, ngkami aika Iteraera: Bon te Atua Ngai ae Atuami.

Ieremia 11:7

I a kaman tuangiia ami aomata man te tai are I kaotinakoa ami bakatibu mai Aikubita, b'a a na ongotaeka i Rou. Ma kam a tia n taningabono

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 25:3

“Ai 23 te ririki ngkai man te moan tai are e uea iai Iotia, ao I a kaman tuangkami te b'ai are e tuangai te UEA. Ma kam tuai mani kan ongo.

Ieremia 3:7

I ataia b'a e a tia n aki kakaonimaki te abanuea meang ao e a tia ni karaoi buure aika a m'aiti,

Ieremia 34:14

Ao e taekinaki ni m'akoron te boraraoi anne b'a kam na riai ni kainaomataia tooro aika kaain Ebera i mwiin onoua aia ririki ni m'akuri iroumi. Ma a aki kan kubarai ke n ongo n te b'ai are I taekinna ami bakatibu.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 42:19

Ao I tuangiia aomata ni kaangai: E reke birinakomi man te kabuanib'ai are e oreaki iai Iuta, ma n te tai aei, E kauringkami te UEA b'a kam na kararoaingkami mai Aikubita.

Etekiera 18:31

Kaaki arom aika a buakaka ao moana iangoan iango aika a raoiroi. Ao kakaonimaki nako iu! Ko tangiria b'a ko na tiringaki i bukin am bure!

Etekiera 3:19

Ma ngaia are, ngkana ko kauringiia, ao a bon teimatoa naba ni buakaka, ao a na mate i bukin aia bure, ao ngkoe akea am bure iai.

Taniera 9:10

Ti aki kan ongo Iroum, te Atua ae te UEA, ngkana Ko tuangiira b'a ti na maiu i nanon am Tua ake Ko a tia n anganiira i nanoia am toro ake burabeti.

Otea 11:2

Ma e taku te taeka, “M'aitin weteakiia, bon m'aitin aia kamangao.” A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

Otea 12:10

I taetae nakoia burabeti I aki toki n taetae n taian mii. Ma ngaia are, N na kanakoa te burabeti ma rongorongon rokon te kabuanib'ai.

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

Te Tua-Kaua 31:21

Ngkana I katuaaia Iteraera ma kanoaia n taian karawaawata ma kabuanib'ai, ao N na kauringiia ae a na ataia b'a a bon atai taekan te anene aei. Ma ngaia are, bon akea aonaia ngkana a aki ongotaeka irou. N na anganiia te aba are I berita iai nakoia, ao I bon atai raoi baika a na karaoi rimwi.

Te Tua-Kaua 8:19

Ma I kauringngkami—b'a ngkana kam m'aninga taekan ami UEA ae Atuami, ao kam a manga taromauriia atua tabeman, ao E na tiringingkami te UEA, n aron tiringaia botannaomata ake kam buakaniia.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

2.Betero 3:9

E aki baenikai te Uea ni karaoa nanon ana taeka n akoi, n ai aron are a taku tem'angina n aia iango; ma E taotaona nanona nakoimi i bukina b'a E aki tangira temanna i buakomi b'a e na mate, ma E tangiriia aomata ni kabaneia b'a a na rairi nanoia.

Tani Motiki-taeka 6:10

Bon Atuami Ngai, ao I tuangingkami b'a kam na aki taromauriia atuaia kaain Amora, e ngae ngke kam a maeka n te aba are a maeka iai kaain Amora. Ma kam aki kan ongo irou.

Tani Motiki-taeka 6:8

Ao E kanakoa te burabeti nakoia ma te rongorongo aikai: Bon te UEA Ngai ae Atuaia Iteraera, ma ngaia are, kam na ongora nakon te b'ai ae N na taekinna. Bon taian toro ngkoa ngkami i Aikubita, ao I kainaomataingkami ni kaotinakoingkami mai Aikubita nakon te aba aei. Ao ngke a manga karawawataingkami kaain botannaomata ake ikai, ao I kamaiungkami ni katokanikaingkami i aoia ma n taua abaia.

1.Tamuera 9:9

Ao e kaeka Tauro, “E nang tamaroa! Ti a nako n noora te aomata ae kakaoti nako ina te kaotioti!”