2.Uea 17:12 - Te B'aib'ara

¹² E ngae ngke E a tia n tuangiia Iteraera te UEA b'a a na aki taromaurii taiani bouananti, ao a boni karaoia naba.

2.Uea 17:12 ပူးပေါင်းရင်းမြစ်များ

1.Uea 21:26

E anuanna n te anua ae moan te buakaka, ae te taromaurii bouananti, ae te anua ae a anuanna naba ngkoa Amoraite, ao a teweaki nako iroun te UEA mai m'aaia Iteraera.

2.Uea 17:11

A anga taiani karea n taiani baangota n aron are a kakaraoia ngkoa botannaomata ake ianena i m'aain kakionakoaia mai Iteraera iroun te UEA. A karaoi buure aika a rangi ni buakaka n te aro are E a rangi n un iai te UEA.

2.Uea 17:40

Ma a aki tabeakina ana babaaire te UEA aomata ake a maeka i Iteraera, ao a bon teimatoa n irii oin kateia.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 34:14

I rangi ni kainanoa ami kakaonimaki ni kabane--kam riai n aki taromauri anti tabem'aang!

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Nakoaia Ibonga 26:1

E taku te UEA, “Boni Ngai te UEA ae Atuami. Ma ngaia are, tai karaoa ke n taromauria te bouannanti teuana ke katotoongan b'aai tabeua.

Te Tua-Kaua 12:4

Kam na aki taromauria te UEA ae Atuami n aroia botannaomata aikai ngkana a taromauriia antiia.

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.