2.Uea 17:11 - Te B'aib'ara

¹¹ A anga taiani karea n taiani baangota n aron are a kakaraoia ngkoa botannaomata ake ianena i m'aain kakionakoaia mai Iteraera iroun te UEA. A karaoi buure aika a rangi ni buakaka n te aro are E a rangi n un iai te UEA.

2.Uea 17:11 ပူးပေါင်းရင်းမြစ်များ

1.Uea 13:1

N te bongi teuana, ao e teitei Ieroboam i rarikin te baonikarea are i Betaera, b'a e nang tauraoi n angakarea. Ao e karina n roko Ana burabeti te Atua mai Iuta ao e takaarua ni kaangai:

1.Uea 14:15

A tia aomatan Iteraera ni kauna te UEA ngke a katei bouanantin Nei Aatera. E na katuaaia te UEA ni karokoa a ioaki kaanga uteute i nanon te karaanga. E na uotia nako mai i aon te aba are E anganira ngkoa aia bakatibu, ao E na kauamaaeia ni karokoa te Karaanga are Iuberetiti.

2.Uea 12:4

E taku Ioati nakon te ibonga n te bong teuana, “Botiia m'aane ni kabane ake a angaanga aomata nakon ana Tembora te UEA, ake m'aane i bukin te roo n rab'ata ao b'aintangira,

2.Uea 17:10

A karaoi naba bouanantin antiia ianena, ma baangota i bukin taromaurian Nei Aatera i aon taian tabuki nako, ao i aan nuun aroka nako aika a buubura.

2.Uea 17:12

E ngae ngke E a tia n tuangiia Iteraera te UEA b'a a na aki taromaurii taiani bouananti, ao a boni karaoia naba.

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

2.Rongorongo 28:25

E karaoi baangotan te aba i bukin taromaurian antiia ianena. E kauna te UEA ae Atuaia ana bakatibu b'aai aikai ni kabane.

Te Otinako 23:24

Kam na aki taromauri antiia ke ni kakairi n aia katei. Ma, kam na kamaunai aia bouannanti ma ni kamaenikuni aia atiibu ake taian banna.

Ieremia 44:17

Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

Otea 9:10

Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.

Te Tua-Kaua 12:2

Ma a taromaurii atuaia tabeman botannaomata ake a maeka ikekei. Ma ngaia are, ngkana kam tia n taua te aba, ao kam na kamaunai ni kabane aia tabo n taromauri--ake i aoni maunga ao taian tabuki, ke ake i aan nuun kaai aika korakora.

Te Tua-Kaua 18:9

Ae kam a kan roko n te aba are anganingkami te UEA ae Atuami. Ao a bati n ribaaki aia m'akuri botannaomata ake a maeka ikekei iroun te UEA, ao kam na aki katotongi aia m'akuri.

Te Tua-Kaua 32:16

Kam kamaraka nanon te UEA ao kam kaunna ngke kam taromauriia bouananti aika bati n ribaaki ao atuaia ianena.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.