2.Uea 16:7 - Te B'aib'ara

⁷ E kanakoa ana rongorongo Aati nakon uean Aturia are Tikerata Biretia ae e kaangai, “Te uea ae ko karineaki. I a buakanaki ngai ae am toro ae e kakaonimaki iroun te uea are Retin ao te uea are Bika. Taiaoka. Nakomai kamaiuai.”

2.Uea 16:7 ပူးပေါင်းရင်းမြစ်များ

1.Uea 20:4

Ao e taku Aaba, “Te uea ae ko karineaki. Bon am b'ai au b'ai ni kabane n ikotaki naba ma ngai.”

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 18:7

E buoka Etekia te UEA, ma ngaia are, a kororaoi bukin b'aai ni kabane ake e karaoi. E kakaitaraa naba uean Aturia, b'a a rawa n riki b'a ana toro.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

2.Rongorongo 28:16

Tabeua te tai i mwiina, ao a manga buakana naba iteran Iuta are mai mainiku kaain Etom ao a uotiia nako aia taenikai.

2.Rongorongo 28:20

Ma ngaia are, e a roko Tikerata Biretera nako Iuta, ma e aki buokia b'a e a karawaawataa riki.

Itaia 2:6

Ara UEA, ko a tia ni kiitaniia am Aomata aika Iteraera, i bukina ngke a katotoongi kateia botannaomata ake mai mainiku. A taromauriia antiia kaain Biritia ao a rangi ni iraorao ma taian ianena.

Ieremia 13:21

Kam onimakiniia ngkoa n te tai teuana b'a a na buokingkami ma ngkai N na karaoia b'a a na tautaekaningkami. Tera ami taeka i bukin anne? Kam na maraki kaanga te aine ae e ariri ni bung.

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

B'aeb'aeti 4:17

Bon akea te buoka ae roko, ti taratara ni karokoa bon akea ae ti a manga noria. Ti tataninga i bukin te i buobuoki man te botannaomata ma bon akea ae i buobuoki.

Etekiera 16:28

E aki toki nanom ni wene ni bure, ma ngaia are, ko ri mwiin Aturia ni kakioa ao ko wene ma ngaiia. Ao ko bon aki rauaki naba,

Etekiera 23:12

E aki toki naba Nei Oorib'a ni kakaaia aobitian Aturia ake a botonim'aane, ma tautia ake a kaboraoi ao taan buaka mai aoia aoti.

Etekiera 23:5

E ngae ngke e riki b'a buu Nei Oora, ma e bon waaki naba arona n aine ni mataawa ma n riri mwiin ana tangira are Aturia.

Otea 14:3

E aki konaa ni kamaiura Aturia ao a aki konaa ni buokiira taiani kaa ni buaka. Ma ngaia are, ti riai n aki manga taromauri bouannanti aika ti a tia ni karaoi. Ara UEA, Ko a tia ni kaota te nanoanga nakoia ataei aika akea aia karo.”

Otea 7:11

Iteraera bon te mannikiba ae akea ana namakin, e kibakiba ni kawaekoa i marenan Aikubita ao Aturia.