2.Uea 16:15 - Te B'aib'ara

¹⁵ Ao e taku nakon Uria are te ibonga: Ni moa man te tai aei, ao e nang kakaraoaki taian angakarea ake n te ingabong ma te tairiki, ao ai arona naba ma b'aintangira ake taiani uita ao taiani wain, i aon te baonikarea aei. E na karaoaki naba ikai taian angakarea i bukiia aomata ao te uea. Katimtim'a raraan taiani karea ni kabane i aon te baonikarea aei, ao katuka te baonikarea are te buraati nako iu b'a N na kamanenaa i bukin kakaaean nanon te UEA b'a tera ae e tangiria b'a N na karaoia.

2.Uea 16:15 ပူးပေါင်းရင်းမြစ်များ

Karikani B'aai 44:5

E aera ngkai kam iraea te m'angko te tirewa are ana m'angko au toka? B'a tiaki ti ana m'angko ni mooi ma bon ana b'ai naba ni kaiwani kanoan taai aika a na roko? Kam a tia ni karaoa te bure ae moan te buakaka.”

1.Uea 3:4

E mena te kabanea ni kakannato ni baangota i Kibeon, ao e a tia Toromon n anga iai e raka i aon teuana te ngaa taiani karea i aon te baangota anne.

1.Uea 7:23

E boni karaoa naba te boora ae e buubura Iram, ao e aranaki te boora arei b'a Taari. Boni uoua te miita rietana mai kabina nako mataniwiina i eta, ao e kaaniia 5 te miita rababana, ao 15 te miita mronronna.

1.Uea 8:64

Ao n te bong arei, e katabua nanoaan oon te Tembora b'a e na riki b'a te tabo n taromauri. E angakarea ikanne i bukina ngke e uarereke te baonikarea are te buraonti are i matan te Tembora.

2.Uea 16:14

I mwiina, ao e a kam'awa te baonikarea are te buraati, b'a e aonga n roko raoi te baonikarea are e boou i matan ana Tembora te UEA.

2.Uea 16:16

E karaoi b'aai ni kabane ake e tuangaki Uria iroun Aati.

2.Uea 18:4

E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Uea 3:20

Ao n te ingabong are i mwiina, ngke e tabe ni karaoaki te angakarea, ao e rina n roko te ran ae e raanga kaanga mai Etom, ao e ieka te aba arei iai.

2.Rongorongo 29:32

Itingaun taiani kao, tebubua taiani tiibu m'aane, ao uabubua taian tiibu teteei ake a uotaki b'a taian karea i bukin bubutian te UEA;

2.Rongorongo 29:35

I rarikin taian karea ake a kabuokaki i aon te baonikarea, ao a kabuokaki naba nenean taiani man ake taian karea ake tabeua, ao a kab'aroaki taian angab'ai ake taian wain i aon te baonikarea. Ma ngaia are e a manga moanaki kamanenaan te Tembora i bukin taromaurian te UEA.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Itaia 2:6

Ara UEA, ko a tia ni kiitaniia am Aomata aika Iteraera, i bukina ngke a katotoongi kateia botannaomata ake mai mainiku. A taromauriia antiia kaain Biritia ao a rangi ni iraorao ma taian ianena.

Taniera 11:31

A na kam'araaea te Tembora ana tautia tabeman. A na katoka te angakarea are e katoa bong, ao a na katea te b'ai are moan te kakamaaku.

Taniera 12:11

Ngkana e a katokaki te angakarea are e katoa bong, ao e a kateaki te b'ai ae moan te kakamaaku, ao e na riai n tia ni bane 1,290 te bong.

Taniera 9:21

Ngke I tabe n tataro, ao e kibarikaaki Kabiriera are I nooria ngkoa n te kaotioti are mai m'aiina, n roko nakon te tabo are I mena iai. E a boo tain te angakarea arei n te tairiki.

Taniera 9:27

E na karaoa ana boraraoi te tia tautaeka ma aomata aika a m'aiti i nanon itiua te ririki, ao ngkana e a kaania banen iteran te tai, ao e na katoki taian angakarea ma taian angab'ai. E na katokaaki te b'ai are moan te kakamaaku i taubukin te Tembora, ao e na tiku ikekei n aron are e a tia ni baaireia te Atua i bukina.

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.