2.Uea 16:14 - Te B'aib'ara

¹⁴ I mwiina, ao e a kam'awa te baonikarea are te buraati, b'a e aonga n roko raoi te baonikarea are e boou i matan ana Tembora te UEA.

2.Uea 16:14 ပူးပေါင်းရင်းမြစ်များ

2.Uea 16:11

E irii baairean aroni katean te baonikarea Uria ni katea iai te baonikarea ae bon aekakin raoi are i Tamateko, ma ni katiaa raoi i m'aain okin Aati.

2.Uea 16:13

Ma ngaia are, e a angakarea i aona aika te karea ni kabuokaki, te karea are uaanikai aika a uangingi, te karea are te mooi te wain, ao te karea are raraan te karea n raoi.

2.Uea 16:15

Ao e taku nakon Uria are te ibonga: Ni moa man te tai aei, ao e nang kakaraoaki taian angakarea ake n te ingabong ma te tairiki, ao ai arona naba ma b'aintangira ake taiani uita ao taiani wain, i aon te baonikarea aei. E na karaoaki naba ikai taian angakarea i bukiia aomata ao te uea. Katimtim'a raraan taiani karea ni kabane i aon te baonikarea aei, ao katuka te baonikarea are te buraati nako iu b'a N na kamanenaa i bukin kakaaean nanon te UEA b'a tera ae e tangiria b'a N na karaoia.

2.Rongorongo 1:5

e ngae ngke e a kaman kam'ainga te Atiniberita tamana are Tawita mai Kirataim-Iearim nakon te auti n rianna are e a tia ni kateia i Ierutarem. Ao a m'ananga Toromon ma te korakina nako Kibeon b'a a na taromauriia te UEA,

2.Rongorongo 29:19

Ao ti a tia ni kaoki b'aai ni kabane ake e anai ngkoa te uea are Aati man te Tembora i nanon te tai are e aki kakaonimaki iai nakon te Atua. Ti kaitiaki ni kabane ao ti katikui i matan te baonikarea.

2.Rongorongo 4:1

Ao Toromon e tua karaoan te baonikarea ae te buraati ae 9 te miita rababana ma ab'akina ae 4 ma te iterana rietaatana.

Te Otinako 27:1

Karaoa te baonikarea man te kai ae te aketia ae uoua ma te kuata ni miita raababana ma ab'akina ae teuana ma te katenim'akoro rietana,

Te Otinako 27:2

ao kaoti rakei koonana ake aua kaanga koron te kaomm'aane. Ao i mwiina, kabira te baonikarea ni kabane n te buraonti, n reitaki ma korona ake aua.

Te Otinako 40:29

ao e kaki te baonikarea i bukin kabuokan karea ni kabuokaki, ao te karea are te uita, n aron are E a tia ni baaireia te UEA.

Te Otinako 40:6

Kaki te baonikarea are b'ain kabuokan taiani karea i matan te Um'antabunrianna.

Etekiera 43:8

A katei aia bareti uean Iteraera ni katenaia ma au Tembora ae e tabu n te aro are ti te bo marenaia ma Ngai. Ao i mwiina, a kamatauningaai n aia m'akuri aika a buakaka, ao I kamaunaia ni korakoran uniu.

Mataio 23:35

Anne bukin ae kam na bukinaki iai i bukini mateia aomata ake a raoiroi i aon te aba, mairoun Abera ni karokoa natini Barakia are Tekaria, are tiringaki i roumi i marenan te um'antabu ma te baonikarea.