2.Uea 16:11 - Te B'aib'ara

¹¹ E irii baairean aroni katean te baonikarea Uria ni katea iai te baonikarea ae bon aekakin raoi are i Tamateko, ma ni katiaa raoi i m'aain okin Aati.

2.Uea 16:11 ပူးပေါင်းရင်းမြစ်များ

2.Uea 16:10

Rimwi riki, e m'ananga Aati nako Tamateko ni kawara Tikerata Biretia. Ao ngke e mena Aati ikekei, ao e noora te baonikarea, ao e kaoka katotoona nakon Uria are te ibonga ma kaetieti i bukin katean teuana.

2.Uea 16:12

Ao ngke e a oki Aati mai Tamateko, ao e nooria b'a e a tia te baonikarea.

2.Uea 16:14

I mwiina, ao e a kam'awa te baonikarea are te buraati, b'a e aonga n roko raoi te baonikarea are e boou i matan ana Tembora te UEA.

2.Uea 16:16

E karaoi b'aai ni kabane ake e tuangaki Uria iroun Aati.

2.Uea 21:4

I nanon te Tembora ike E riai n taromauriaki iai ti te UEA, ao e katea naba iai taiani baonikarean i bukiia antiia beekan,

2.Uea 21:7

e titirakiniia taani kaiwa arona ae e na karaoia ao e anga natina te m'aane b'a ana karea. E karaoi b'aai aika a rangi ni kam'araa, are e a rangi ni kauna iai te UEA. N ririki ake ngkoa ao E taku te UEA nakon Tawita ma natina te m'aane are Toromon I tangira riki Ierutarem nakon taabo ni bane i aon Iteraera. Bon Au b'ai, ao N na riai n taromauriaki iai n taai nako.

2.Rongorongo 33:4

E katea naba te baonikarea Manate i bukin antiia beekan ao taian itoi i nanon te Tembora ike e kaantaningaaki b'a e na ti

Itaia 8:2

N na tuanga Uria are te ibonga ao Tekaria are natin Ieberekia b'a a na riki b'a taani kakoaua i bukin te baei.”

Ieremia 23:11

E taku te UEA b'a N na taetae ni kaangai: E bon rangi n uarereke iangoakiu Ngai ae te UEA iroumi ngkami aika burabeti ma ibonga, n te aro are kam bure naba nakon oin au Tembora!

Etekiera 22:26

A katinanikui au Tua ibongan Iteraera! A aki ti rawa ni karinei b'aai aika a tabu, ma a bon rawa naba n reireiniia aomata kaokoron b'aai aika a tabu ma b'aai aika a aki tabu, ke te kaokoro i marenan baika a itiaki ma baika a baareka. A karaoa Au Taabati b'a kaanga te bong n aki akaaka, ai ngaia are, a aki karineai naba iai ake bon oin Au aomata.

Taniera 3:7

Ao ni bon te tai naba are a ongo iai tangin taiani b'ai ni katangitang, ao a bane ni bobaraaki botannaomata ma reeti nako, ma taetae nako n taromauria te bouananti are te koora are e kateia te uea are Nebukaneta.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Otea 5:11

E korakora manatuan Iteraera. E bon reke nakoia te b'ai ae a tangiria ma i mwiin taromaurian taian bouananti aika akea manenaia.

I-Karatia 1:10

B'a I anai nanoia aomata ngkai, ke I anaa nanon te Atua? Ke I ukoukori kakukureiaia aomata? Ngkana I tabe ma kakukureiaia aomata, ao bon tiaki ana toro Kristo ngai.