2.Uea 15:35 - Te B'aib'ara

³⁵ Bon Iotam are e a manga katea te mataroa are Ieta are te kawai nakon te katawanang are e katobibia te Tembora.

2.Uea 15:35 ပူးပေါင်းရင်းမြစ်များ

2.Uea 12:3

Ma e aki kamaunai taiani baangota, ao a bon teimatoa naba ni kabonganaaki b'a taabo n angakarea.

2.Uea 15:36

A tauaki rongorongoni b'aai ni kabane ake e karaoi Iotam i nanon ana tai ni uea n te boki are Rongorongoia Uean Iuta.

2.Uea 15:4

Ma e aki roko n te urui taiani baangota. A bon tiku naba b'a taabo n angakarea.

2.Uea 18:4

E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Rongorongo 23:20

N tokina, e a bootia mataniwiin te taanga ni buaka Ieoiata, kaain te kaawa ake a rangi ni kakannato, ao mataniwiin te tautaeka. Ao aomata aika a m'aiti a iri ngke a kaira Ioati nakon te Tembora n te mataroa are Mataroa Ieta, ao ni manga nako nanon te bareti, ike e a anaa iai nnena ae uean Iuta.

2.Rongorongo 32:12

Tiaki e uruaki taiani baonikarea ma taabo n taromauri ni kabane Etekia ao ti teuana nikiran te baonikarea ma te tabo n taromauri? Tiaki e tuangkami naba kaain Ierutarem ao kaain Iuta b'a kam na taromauri n te tabo ane ti teuana anne?