2.Uea 15:29 - Te B'aib'ara

²⁹ E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 15:29 ပူးပေါင်းရင်းမြစ်များ

1.Uea 14:15

A tia aomatan Iteraera ni kauna te UEA ngke a katei bouanantin Nei Aatera. E na katuaaia te UEA ni karokoa a ioaki kaanga uteute i nanon te karaanga. E na uotia nako mai i aon te aba are E anganira ngkoa aia bakatibu, ao E na kauamaaeia ni karokoa te Karaanga are Iuberetiti.

1.Uea 15:20

Ao Benatata, e karaoa te b'ai are e buubutii iai Ata ao e kanakoia tautian Turia nako Iteraera. A taua te kaawa are Iion, Taan, ao Abera-Betamaaka, ao aban Kinnerota ao Nabetari.

1.Uea 9:11

Rimwi riki, e anga 20 te kaawa Toromon ake n aonon Kariraia nakon Iram are uean Turo b'a boon mwiin taian tiira, ma m'aiango, ao koora ake e angan Toromon.

2.Uea 15:19

Inanon ana tai ni uea Menaem, ao e buakana Iteraera uean Aturia are Tikerata Biretia. E kariaia buokakin Menaem ni kabutaa abanueana, ngkana e na kab'aka Menaem nako ina e raka i aon 30 te tan te tirewa.

2.Uea 15:20

Ma ngaia are, e anga ana taeka Menaem nakoia aomata ni kabane i aon Iteraera aika a kaub'ai b'a a na anga kaka teuana te rawaawata ni waerake te kirokuraem te tirewa, ao e anga nakon Tikeraka Biretia ni kabane. Ao e katoka buakanakin Iteraera Tikeraka Biretia ao e kiitanna.

2.Uea 15:28

E aki ongotaeka iroun te UEA, ao e a manga katotoonga ana m'akuri ae e buakaka Ieroboam are natin Nebata te m'aane, are e kareketatiia Iteraera n te bure.

2.Uea 15:30

Inanon ana ka 20 n ririki n tautaeka Ioram i aon Iuta, ao e kam'anea Bika teuare Otea are natin Era te m'aane, ao e tiringnga. Ao e a manga uea Otea i aon Iteraera.

2.Uea 16:10

Rimwi riki, e m'ananga Aati nako Tamateko ni kawara Tikerata Biretia. Ao ngke e mena Aati ikekei, ao e noora te baonikarea, ao e kaoka katotoona nakon Uria are te ibonga ma kaetieti i bukin katean teuana.

2.Uea 16:7

E kanakoa ana rongorongo Aati nakon uean Aturia are Tikerata Biretia ae e kaangai, “Te uea ae ko karineaki. I a buakanaki ngai ae am toro ae e kakaonimaki iroun te uea are Retin ao te uea are Bika. Taiaoka. Nakomai kamaiuai.”

2.Uea 17:20

Ma ngaia are, E a tannako te UEA mairouia Iteraera ma Iuta ni kabaneia, ao e karikiia b'a a na katuaaeaki ma ni kookonaaki ni karokoa bon akea temanna nikiraia.

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 18:11

E kairiia Iteraera uean Aturia b'a taenikai, ao e kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin te Karaanga are Tabora n te aba are Kotan, ao ake tabeman naba b'a a na maeka ni kaawa ike a maeka iai kaain Miria.

2.Uea 19:11

Ko a bon tia n ongo rongorongora ngaira aika uean Aturia ni kamaunaiia botannaomata ake tabeua ni kabaneia. Tera ae kam taku b'a kam a boni mano iai?

2.Uea 8:11

E a boni karekea taraan Ataera te burabeti are Eritai ni karokoa e a mamaa Ataera, ao e a tang naba Eritai.

1.Rongorongo 5:22

A m'aiti kaain Akera ake a mate i nanon tain te buaka, i bukina ngke E buaka te Atua ni kaaitaraia. A maeka kaain te baronga are Reuben, Kata, ao Manate i Mainiku n te aba arei ni karokoa te tai are a manga uotakinako iai b'a taenikai nako Aturia.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

1.Rongorongo 5:6

Rimwi riki, e uotaki nako Beera iroun uean Aturia are Tikerata Birenetera b'a te taenikai.

2.Rongorongo 16:4

Ao Benatata, e karaoa te b'ai are e bubutiia Ata ao e kanakoia ana taanga ni buaka Turia nako nanon Iteraera. A taua te kaawa are Iion, Taan, Abera-Maim, ao kaawa ni kabane ake i Nabetari ake a kaawakinaki iai b'aai.

Neemia 9:32

Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Itaia 1:7

E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 37:18

E boni koaua Atuara, ae a tia uean Aturia n onikia botannaomata nakon taian rereua.

Itaia 7:16

ao e na kaakang miriki ao ana karewe te manibeeru, ao a na kamaunaaki abaia uea ake uoman ake ko maakuia.

Itaia 7:20

E na kabooa uean Aturia te UEA b'a e na uota te m'ariro ri aon te Karaanga are Euberetiti ao e na koromaraingkami ao n iman buraen rab'atami ni kabane, n reitaki ma te buai.

Etekiera 23:9

Ma ngaia are, I anga Nei Oora nakoia ana tangira ake kaain Aturia ake e rangi n baba n tangiriia.

Nakoaia Ibonga 26:32

E na rangi ni kananoanga abami n te aro ae ami kairiribai naba ake a maeka iai a na rangi ni kubanako ngkana a nooria.

Amota 1:13

E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Amota 1:3

E taku te UEA, “A teimatoa ni kakaraoa te bure kain Taamateko ao N na bon katuaaia i bukin aei. A karaoa te m'akuri n iowawa nakoia kaain Kireata.

Amota 5:27

ngke I kairingkami b'a taenikai nakon te aba ri aon Tamateko, bon ana taeka te UEA ae m'aaka.

Amota 6:14

E taku te UEA ae te Atua ae m'aaka, ngkami aika Iteraera, N nang kanakomaia taanga ni buaka aika ianena b'a a na maekana abami. A na taua taekami ma ni karawawatai ngkami ni moa mai Amata are i meang n toki ni karaangan te Arab'a are i maiaki.

Warekaia Iteraera 32:1

Ao a rangi ni m'aiti aia nanai ni kao ao n tiibu baronga ake Reuben, ao Kata, ao a nooria b'a a rangi n raraoi uteuten te aba are Iatera ma te aba are Kireata.

Warekaia Iteraera 32:40

Ma ngaia are, e a anga te tabo are Kireata Moote nakon kaaingan Makira, ao a tekateka ikekei.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 3:15

I anga Kireata nakon utuun Makira are natin Manate.

Iotua 11:1

Ao ngke e ongo Iabin are uean Atora totokanikaia aomatan Iteraera i aoia aia kairiribai, ao e kanakoa ana taeka nakoia uea ake i rarikina; ake Iobaba are Uean Maton, ma uean Timron, ma uean Akitaba,

Iotua 11:10

Ao e a manga rairakiia Atora Iotua n buakanna ao e tiringiia ueana. (E rangi ni korakora te tautaeka n Atora nakon aaba nako n te tai aei).

Iotua 11:13

A bane n aki kabuokaki kaawa ake a tei i aon te tabuki i rouia aomatan Iteraera, ma ti te kaawa are Atora are e kabuokia Iotua ni kamaunaa.

Iotua 12:19

Maton, Atora,

Iotua 16:6

ao ma ikanne nakon taari are te Mereterenian. Ao Mikemetata e mena i meangiia. I mainikun tiaia ao e b'aoua nako Taanatatiro ni manga ri rarikina nako mainikun Ianoa.

Iotua 19:35

Aikai kaawa ake a nonoaki ake a reke i nanon naba abaia; Tirim, Tea, Ammata, Rakata, Kinnereta,

Iotua 19:37

Keteti, Eterei, En-atora,

Iotua 20:7

Ma ngaia are Iteraera a rinei tenua kaawa ni kamauri i maeaon te karaanga are te Ioretan. Aikai kaawa akanne: Keteti i Kariraia n aaba ake a tabukibuki i Nabetari, Tekem n aaba ake a tabukibuki i Eberaim, ao Eberon n aaba ake a tabukibuki i Iuta.

Tani Motiki-taeka 18:30

E ngae ngke Titon te tabo n taromauri, ma a katei ana bouananti Mika ake karaoi kaain Taan. Ao a taromauria te bouananti, ao aia ibonga boni kanoan Rewi, are arana Ionatan, ao bon kanoan Kerition ngaia are natin Moote te m'aane. A m'akuri kanoana b'a ibongan te baronga are Taan, ni karokoa te tai are a uotaki nako iai Iteraera b'a taian taenikai.

Tani Motiki-taeka 4:2

Ma ngaia are, E kanakoa uean Kanaan are Iabin are mena i Atora b'a e na kataenikaiia Iteraera. E maeka ana kam'anta Iabin are Titera i Aroteta-A-Koiim.