2.Uea 15:19 - Te B'aib'ara

¹⁹ Inanon ana tai ni uea Menaem, ao e buakana Iteraera uean Aturia are Tikerata Biretia. E kariaia buokakin Menaem ni kabutaa abanueana, ngkana e na kab'aka Menaem nako ina e raka i aon 30 te tan te tirewa.

2.Uea 15:19 ပူးပေါင်းရင်းမြစ်များ

2.Uea 12:18

Ma ngaia are, e rikoi b'aai ni kabane Ioati ake a tia ni katabuaki i rouna ma ana bakatibu are Ieotiab'ata, Ieoram, ao Aatia, ni ikotaki naba ma koora ake n taian ruunib'ai ake n te Tembora ma te bareti. E kanakoi ni kabane nakon Ataera b'a te b'aintangira. Ao ngke a reke iroun Ataera, e a tuangiia naba ana taanga ni buaka b'a a na kiitana Ierutarem.

2.Uea 14:5

Ni bon te tai naba are e tautaeka iai Iteraera Amatia, ao e katikiia naba n tiringiia taian aobitia ake a tiringa tamana.

2.Uea 15:18

E teimatoa arona n aki ongotaeka iroun te UEA b'a e katotoonga Ieroboam are natin Nebata te m'aane, are e kareketatiia ngkoa Iteraera n te bure.

2.Uea 15:20

Ma ngaia are, e anga ana taeka Menaem nakoia aomata ni kabane i aon Iteraera aika a kaub'ai b'a a na anga kaka teuana te rawaawata ni waerake te kirokuraem te tirewa, ao e anga nakon Tikeraka Biretia ni kabane. Ao e katoka buakanakin Iteraera Tikeraka Biretia ao e kiitanna.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 16:8

Ao a kanakoi naba taian tirewa ma koora man ana Tembora te UEA, ao mani kaub'ai ake n te bareti b'a a na b'aintangira nakon uean Aturia.

2.Uea 18:16

E boni kanakoi naba taian koora ake a kabiraki iai ngkoa taiani mataroa ma taiani boua n te Tembora. E angan Tennakeriba ni kabane.

Neemia 9:32

Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Taian Areru 83:8

A raonaki naba irouia kaain Aturia, are te botannaomata ae matoatoa ae raoraoia I-Ammon ma I-Moaaba, ake a riki mairoun Roota.

Itaia 9:1

Ma koraki aika a tia n rawaawata a na aki manga maraki. A ribaaki ngkoa aban nako Teburun ao Nabetari i Kariraia. Ma e na rangi ni karineaki te aba aei ae abaia Tientaire nakon te Karaanga are Ioretan ri mataniwiin te Taari are Mereterenian.

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Etekiera 23:5

E ngae ngke e riki b'a buu Nei Oora, ma e bon waaki naba arona n aine ni mataawa ma n riri mwiin ana tangira are Aturia.

Otea 10:6

E na uotaki nako Aturia ao e na anga te aba nakon te uea are e kakannato. Ao i mwiina, e na kamamaaeaki Iteraera i bukin taromaurian te bouananti anne.

Otea 5:13

Ngkana a noora aorakiia ma manekaiia Iteraera ma Iuta, ane e na kakaaea buokana Iteraera mairoun Aturia ma ueana aika a korakora, Ma a na aki konaa taian uea ni kamaiuia ke ni kamao manekaiia.