2.Uea 15:14 - Te B'aib'ara

¹⁴ E roko Menaem are natin Kari te m'aane mai Tireta nako Taamaria ao e tiringnga. Ao e a manga uea Menaem.

2.Uea 15:14 ပူးပေါင်းရင်းမြစ်များ

1.Uea 14:17

Ao e nako buun Ieroboam n okira mwengana, n te kaawa are Tireta. Ao ni bon te tai are e toko iai waena n ana auti, ao e a mate naba natina te m'aane.

1.Uea 15:21

Ao ngke e ongo arei Baatia, ao e kiitana Ram'a ao e oki nako Tireta.

1.Uea 15:33

Baatia bon natin Aiia are e riki ni uea i aon Iteraera n ana katenua n ririki ni uea Ata i aon Iuta, ao e uea mai Tireta i nanon 24 te ririki.

1.Uea 16:15

Ao e riki b'a te uea Timri i aon Iteraera n ana ka 27 n ririki n uea Ata i aon Iuta, ma e uea i nanon ti itiua te bong mai Tireta. Ao a kaemb'a ana taanga ni buaka Iteraera i rarikin Kibeton i Biritia i aan ana kairiiri Omri. A tia n ongo tautia ae e tiringa Era teuare Timri, ao a kauea Omri n te bong naba arei.

1.Uea 16:17

Ao a m'aati naba n te tai ae e waekoa Omri ma ana taanga ni buaka nako Tireta ma ni buakanna.

2.Uea 15:10

E karaoa ana m'akuri Tiarum are natin Iabeta te m'aane ni kaaitaraa Tekaria ni karokoa e bon tiringnga i mataia aomata. Ao i mwiina, e a manga uea Tiarum.

2.Uea 15:15

E rawa n taenikai te kaawa ni bane ake i rarikina ni karokoa Tireta. E tiringiia ni kabane ake a maeka i Tibeta, ao e korouaia aine aika a bikoukou n ana kabaang.

2.Uea 15:17

E uea Menaem i aon Iteraera n ana ka 39 n ririki ni uea Ataria are uean Iuta, ao e tautaekana Iteraera i nanon tebwiina te ririki mai Taamaria.