2.Uea 14:20 - Te B'aib'ara

²⁰ Ao e uotaki rikaaki rab'atana nako Ierutarem i aon akuun te aoti ao e taunaki i rarikiia ana bakatibu. A tauaki rongorongoni b'aai ni kabane ake e karaoi Amatia n ana tai ni uea i nanon te boki are Rongorongoia uean Iuta.

2.Uea 14:20 ပူးပေါင်းရင်းမြစ်များ

1.Uea 11:43

ao e a mate ao e taunaki n ana kaawa tamana are Tawita. Ao e a manga uea natina are Roboam.

1.Uea 2:10

E uea Tawita i aon Iteraera i nanon 40 te ririki. E uea i Eberon i nanon itiua te ririki, ao e uea i Ierutarem i nanon 33 te ririki.

2.Uea 12:21

ake a tiringa Ioati i nanon te auti ae e buubura n te tabo are e a manga kanoaaki aona are i mainikun Ierutarem i rarikin te kawai nako Tira. E taunaki i rarikiia ana bakatibu i Ierutarem, ao e a manga uea natina te m'aane are Amatia.

2.Uea 14:19

ma e a manga reke irouia aomata tekorakina ao a taua ao a tiringnga ikekei.

2.Uea 14:21

I mwiin matena, a manga kauea natina te m'aane are Ataria are kaain Iuta, e ngae ngke ai tib'a 16 ana ririki ni maiu n te tai arei.

2.Uea 8:24

E mate Ieoram ao e taunaki i rarikiia ana bakatibu i Ierutarem. E a manga uea i mwiina natina te m'aane are Aatia.

2.Uea 9:28

A anaa rab'atana naake bon ana mataniwi, ao a katokaa i aon te kaanibuaka ma ni kaokia nako Ierutarem ike a taunna iai i rarikiia ana bakatibu.

2.Rongorongo 21:20

Tenibwi ma uoua ana ririki ni maiu Ioram ngke e moana ueana, ao e tautaeka i nanon wanua te ririki mai Ierutarem. E mate, ao bon akea ae e nanokawaki ni matena. E taunaki i Ierutarem, ma e aki taunaki n ruanimateia uea.

2.Rongorongo 26:23

I bukina ngke e rebera Utia, e a bon aki konaa n taunaki n ruanimateia uea. Ma e a taunaki n te ruanimate ae e uakaan ae e b'ainaki irouia uea. E uea natina te m'aane are Iotam i mwiina.

2.Rongorongo 33:20

E mate Manate ao e taunaki i rarikin te bareti, ao e a manga uea natina te m'aane are Amon i mwiina.