2.Uea 13:22 - Te B'aib'ara

²² E mena Iteraera i aan ana tautaeka uean Turia are Ataera i nanon ana tai n tautaeka Ieoaati ni kabane.

2.Uea 13:22 ပူးပေါင်းရင်းမြစ်များ

1.Uea 19:17

Ataera are e na moana tiringaia ake a taromauria B'aara. Ao Ieu e na tiringiia koraki akana a birinako mairoun Ataera, ao Eritai e na tiringiia akana a birinako mairoun Ieu.

2.Uea 10:32

Ao i nanoni boong akanne, ao E a tabe ni kauarerekea aban Iteraera te UEA. E konaiia Iteraera uean Turia are Ataera ao e taui taekan,

2.Uea 8:12

Ao e taku Ataera, “Teuae ko karineaki, E aera ngkai ko a tang?” Ao e kaeka Eritai ni kaangai, “I bukina b'a I atai b'aai aika a kakamaaku aika ko nang karaoi nakoia Iteraera. Ko nang kabuoki aia kaawa aika a nonoaki ma n tiringiia aia rorobuaka n ataei. Ao ko na boni kamanatuai atuuia ataei aika a uarereke ma n raebitiia aine aika a bikoukou.”

2.Uea 8:13

Ao e kaeka Ataera ao e taku, “N na kangaa ni karaoi baikanne? Bon ti te tia m'akuri ngai, ao akea m'aakau ni karaoa anne.” Ao e taku Eritai, “Ataera, E tuangai te UEA b'a ngkoe ae ko nang uea i aon Turia.”