2.Uea 13:21 - Te B'aib'ara

²¹ N te tai teuana ngke a tabe n tauni aia mate Iteraera, ao a nooria te koraki n aomata aika kaain Moaaba. A kawaekoaia Iteraera akekei n tewenakoa rab'atan aia mate nako nanon ruanimaten Eritai ao a biri nako. Ao ni bon te tai naba are e bo iai rab'atan te m'aane arei ma riin Eritai, ao e a maiu naba te aomata arei, ao e teirake.

2.Uea 13:21 ပူးပေါင်းရင်းမြစ်များ

2.Uea 13:22

E mena Iteraera i aan ana tautaeka uean Turia are Ataera i nanon ana tai n tautaeka Ieoaati ni kabane.

2.Uea 4:35

E teirake Eritai, ao e ririaki i nanon te ru arei, ao i mwiina e a manga oki ni manga ei nako aon te ataei ni m'aane arei. E m'atie itiua te tai te ataei ni m'aane arei, ao e kaurea matana.

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Ioane 11:44

E oti nako teuare mate ma baina ao waena aika niniraki n te kabae ae te kunnikai, ma ubuna ae kabaeaki n te kawere. E taku Iesu nakoia, “Kab'ara, ao kanakoa.”

Ioane 5:25

Bon te koaua ni koaua ae I a tuangngkami b'a e a roko te tai, ma e a boni kaman roko, ae a na ongo iai b'anaan Natin te Atua maate; ao a na maiu akana ongo.

M'akuri 19:12

n te aro are ngkana a anaaki kunnikai ma kaoanimaono ake a bo ma kunna ao a kakaki i aoia aoraki, ao a kona ni kamaiuaki iai man aorakiia, ao a oti nako naba tamnei aika bubuaka mai rouia.

M'akuri 5:15

I mwini baike a tia ni karaoi taan tuatua, ao a uoti aia aoraki aomata nako nanoni kawai nako, ao a kaweneia i aoni kainiwene ma kie ni matu, ma te kaantaninga b'a ngkana e rikekei Betero ao e na kona nuuna n rabuniia tem'angina i buakoia.

Te Kaotioti 11:11

Ma i mwin tenua ma te iterana te bong ao e nako mairoun te Atua te ikeike-ni-maiu, ao e rin i nanoia; ao a teirake i aoni waeia, ao ake a tarataraia a rotaki n te maku ae korakora.