2.Uea 12:16 - Te B'aib'ara

¹⁶ A aki kamanenaaki n te Tembora m'aane ake taian tuua ake a kaairaki ma taian karea i bukin kaetani b'aai, ao karea naba i bukin buure. A b'ainaki m'aane aikai ti irouia ibonga.

2.Uea 12:16 ပူးပေါင်းရင်းမြစ်များ

Neemia 13:13

N tokina, I a rineia teniman m'aane aika akea aia kaangaanga b'a a na tararuai b'aai ake a uotaki nako ikekei ao ni manga tib'ai nako nakoia tabem'aang. Koraki aikai bon Teremia are te ibonga, Tatoka are te tia reirei n te Tua, ao Betaia are kanoan Rewi. Aia taani buobuoki bon Anan, are natin Takuura te m'aane ao tibun Matania te m'aane.

Otea 4:8

Kam kaungai nanoia tabem'aang b'a a na bure, b'a kam na konaa ni kaoningkami n aia karea ni kab'ara bure.

Nakoaia Ibonga 4:24

E na katokai baina i aon atuun ana karea, ao e na tiringnga n tanimeangin te baonikarea, n te tabo are a titiringaki iai maan i bukin te karea ni kabuokaki. Bon aio te karea i bukin kab'araan bure.

Nakoaia Ibonga 4:29

E na katokai baina i aon atuun ana man, ao e na tiringnga i tanimeangin te baonikarea, n te tabo are a titiringaki iai maan i bukin te karea n ni kabuokaki.

Nakoaia Ibonga 7:7

Iai te tua teuana ae e konaa ni kamanenaaki nakon te karea i bukin te karea i bukin te bure ao te karea ni kabomwi: bon te iriko ni man are aia b'ai ibonga are e karaoa te angakarea.

Warekaia Iteraera 18:19

Ni moa man te tai aei, ao kam a b'aini taian angab'ai aika tabu ake a anga Iteraera nako Iu b'a ami b'ai ma natimi mm'aane, ao natimi aine. Bon aei Au berita nako imi ma kanoami, ao e na bon aki manga bitaki.