2.Uea 11:19 - Te B'aib'ara

¹⁹ ao e a weteia ni kabane mataniwiin te taanga ni buaka, ao taan teiakina te uea aika a bane aroia, ao tan teiakina te bareti, ao aomata. A kaira Ioati man te Tembora, ri nanon aia mataroa taan tei nako nanon te bareti. E tekateka i aon te kaintokanuea, ao e riki b'a uean Iuta.

2.Uea 11:19 ပူးပေါင်းရင်းမြစ်များ

Karikani B'aai 37:36

I mwiin tabeua te tai ao a tia ni kabooa nako Ioteb'a tibun Itimaera i Aikubita nakon Botiba, are ana aobitia te uea temanna, are bon te mataniwi n ana bareti.

1.Uea 1:13

Naako taetae nakon Tawita ni kaangai, “Ko bon aki berita ngkoa nako iu b'a e na uea Toromon i mwiim, ma e aera ngkai e a uea Atoniia?

1.Uea 14:27

Ao e onei mwin otanga koora Roboam n taian otanga aika buraonti, ao e tuangiia taan tararuaa mataroan b'a a na tararuai raoi taian otanga ake buraonti.

1.Rongorongo 29:23

Ma ngaia are, e a manga uea Toromon i mwiin Tawita are tamana. Ao e totokanikai Toromon ni b'aai ni kabane ake e karaoi, ao a bane Iteraera n ongotaeka i rouna.

2.Rongorongo 23:19

E tuangiia taan teiakina mataroan te rin nakon te Tembora b'a a na aki kariniia aomata aika a aki itiaki n aron ana tua Moote.

2.Rongorongo 23:20

N tokina, e a bootia mataniwiin te taanga ni buaka Ieoiata, kaain te kaawa ake a rangi ni kakannato, ao mataniwiin te tautaeka. Ao aomata aika a m'aiti a iri ngke a kaira Ioati nakon te Tembora n te mataroa are Mataroa Ieta, ao ni manga nako nanon te bareti, ike e a anaa iai nnena ae uean Iuta.

2.Rongorongo 23:5

tekorakina a na tararua te bareti, ao tekorakina a na tararua Mataroan te Aana. Ao nikirami kam na teiakina katawanangin nako te Tembora.

Ieremia 17:25

ao ane e na tautaekanaki n taai nako Ierutarem ma Iuta irouia uea aika man kanoan Tawita. Ane a na rin man mataroan te kaawa aikai te uea ma ana mataniwi i aon taian aoti ke i aon taiani kaanibuaka, ao a na raonaki irouia kaain Iuta ma Ierutarem. Ane a na maeka n taai nako aomata i Ierutarem,

Ieremia 22:30

Kamaunaa araia natin nako Ieoiakin man te utu n uea. E a aki tau, ao akea naba temanna ae e na manga uea. Bon aio au taeka Ngai te UEA.

Ieremia 22:4

A na teimatoa n tautaekana Iuta ma te bareti aei uea man ana utu Tawita ngkana kam ongotaeka i Rou. Ane a na waaki n rin ao n otinako ngaiia ma aia mataniwi i aon aia aoti ke aia kaanibuaka.

Mataio 19:28

E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Mataio 25:31

Ngkana E roko Natin te Aomata ma mimitongina, ma anera ni kabaneia i rarikina, ao ane E na tekateka i aon ana kaintokanuea ae mimitong.