2.Uea 11:18 - Te B'aib'ara

¹⁸ Ao i mwiin arei, ao a nako aomata n rin n te tembora are e karaoaki i bukin neboakin B'aara, ao a kab'aka. A urui taiani baonikarea ao taiani bouananti ao a tiringa Matan are ana ibonga B'aara, i matan te baonikarea. I mwiina ngke e a tia Ieoiata ni katikuia taan tei ni katobibia te Tembora,

2.Uea 11:18 ပူးပေါင်းရင်းမြစ်များ

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

2.Uea 10:21

ao e kanakoa ana beeb'a ni kakao Ieu nakoia aomata ni kabane i aon Iteraera. A bane n roko taan taromauria B'aara, ao e onrake te tembora mai tabona nako tabona.

2.Uea 10:25

Ao ngke e a tib'a bane ana angakarea Ieu, ao e a tuangiia taan tei ao tautia ni kaangai, “Mai tiringiia, Tai kabiri nakoa temanna.” A tiringiia ni kabane kaain te bootaki arei, ao a tewenakoi rab'ataia i tinaniku, ao i mwiina, a manga rin nako n te tembora,

2.Uea 10:26

ao a kaotinakoa bannan B'aara. A kabuokia,

2.Uea 10:27

ao a kamaerikirikia, ao i mwiina, a urubekea temboran B'aara n akea naba nikirana teutana. Ao man te tai arei, e a riki b'a te b'ai ae akea bonganana b'a e a riki b'a aia kainakotaari aomata.

2.Uea 18:4

E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

2.Uea 23:14

E urui bannaia antiia Ianena aika atiibu ao e korouaa te boua are e tabu i bukin taromaurian Nei Aatera. Ao e kaona te tabo arei n riia aomata.

2.Uea 23:20

E tiringiia ibonga ake a m'akuri iai ao e kabuoki riia i aon taiani baonikarea. I mwiin baikai ni kabane, ao e a okira Ierutarem Iotia.

2.Rongorongo 21:17

A buakana Iuta ao a iraei kaub'ain te uea man te bareti, ao a kairiia nako buuna ma natin Ioram m'aane b'a taian taenikai. Bon ti Aatia are te bina are e reke tikuna.

2.Rongorongo 34:4

E karaua ni matakuakina te baonikarea i bukin taromaurian te anti are Baara ngke a kab'akaaki, ao taian baonikarea i bukin te b'ai ni kaboiarara ake i rarikina ngke a urubekeaki naba. A bane naba n uruakaki bouan Nei Atera, ma ana bouannanti, ao taian atiibu ake taiani banna, ao n raea n aki akaaka m'akorokoroia i aan ruanimateia koraki ake taan taromauriia.

2.Rongorongo 34:7

E urui aia baonikarea beekan Iotia n taabo nako n te abanuea are meang i Iteraera, n reitaki ma bouan Nei Atera, ao e kamaerikirikii ni kamaunai taian bouannanti ao e kamaenikuni taian baonikarea i bukin b'aai ni kaboiarara. Ao i mwiina, e a okira Ierutarem Iotia.

Te Otinako 32:20

E karikia b'a te ran te bouannanti are a tia ni karaoia aomata, ao e kamantia ni kab'auta. E kaaki i nanon nimaia b'a a na nimma, ao a nimma.

Itaia 2:18

A na nako taiani bouannanti i bukin karaoan te raoiroi.

Te Tua-Kaua 12:2

Ma a taromaurii atuaia tabeman botannaomata ake a maeka ikekei. Ma ngaia are, ngkana kam tia n taua te aba, ao kam na kamaunai ni kabane aia tabo n taromauri--ake i aoni maunga ao taian tabuki, ke ake i aan nuun kaai aika korakora.

Te Tua-Kaua 12:3

Kam na urui aia baonikarea, aia nikawewe, ao kabuoki aia baangota ake a kabonganaaki i bukin taromaurian te anti te aine are Nei Aatera, ao urui aia bouananti. Urui aia tabo n taromauri ni kamaunanakoi b'a a aonga ni m'anuokinaki taekaia.

Te Tua-Kaua 13:5

i bukina b'a E kamaiungkami ngkoa man te toronaki i Aikubita. Ngkana e tuangngkami te burabeti b'a kam na aki ongotaeka nakon te UEA ae Atuami ma ni katokaa taromauriana, ao kam na ataia b'a e buakaka te burabeti anne, ao e na riai n tiringaki.

Te Tua-Kaua 13:6

Ane na manga kaangai temanna nakoimi, Ti nang taromauriia anti riki tabeman. E aoria naba ngkana raoraomi, ke tarimi, ke m'anemi, ke natimi te m'aane, ke natimi te aine, ke buumi ae kam rangi n tangiria, ma kam na bon aki ongo naba i rouna. Bon akea temanna te aomata ae kam na ongo i rouna ae taekin baikai. Ma kam na karebanaa te aomata anne ni ua matena n taian atiibu. Boni ngkami moa aika kam na moan kareia, ao i mwiina, a na kabanea te m'akuri aomata te korakina. Kam na bon aki kaota te nanokawaki. Bon akea te b'ai ae a tia ni karaoia nakoimi ke nakoia ami bakatibu antiia botannaomata tabeua. A na kataia ni katokaa taromaurian te UEA are kamaiungkami man te toronaki i Aikubita aomata akana a tuangkami b'a kam na taromauriia anti riki tabeman. Ma ngaia are, kam na tiringiia aomata akana a tuangngkami b'a kam na taromauriia anti riki tabeman.