2.Uea 11:12 - Te B'aib'ara

¹² E kairaki Ioati iroun Ieoiata nako tinaniku, ike e a katokaa te baunuea i aon atuuna, ao e anganna katotongan te kaetieti i bukin kairan te botannaomata. E kab'aroaki b'aan te oriwa i aon atuuna ni kaotia b'a ngaia ngkai te uea, ao a uboubo aomata ma n takaarua ni kaangai, “E na teimatoa maiun te uea.”

2.Uea 11:12 ပူးပေါင်းရင်းမြစ်များ

2.Tamuera 1:10

Ma ngaia are, I a tiringnga. I ataia b'a e a bon rangi n ikoaki n te aro are e na bon aki reke maiuna. Ao I anaa ana baunuea ma ana burenibai, ao I a uoti nakoim, Teuae ko karineaki. Aikai baikai.

2.Tamuera 12:30

ao e anaa te baunuea man bouanantin te anti are Mirekom. Ao e uoti nako naba b'aai ni kabane aika a boongana.

2.Tamuera 16:16

Ao e roko raoraon Tawita are Utiai iroun Abetarom ao e taku, “E na teimaan maiun te uea! E na teimaan maiun te uea!”

2.Tamuera 2:4

Ao a kaaitibo kaain Iuta ma Tawita i Eberon ao a kab'aroa b'aan te oriwa i aon atuuna ni kaotia b'a aia uea ae e boou. Ao i mwiina, e tuangiia Tawita ni kaangai, “Kaain Iabeti i aon Kireata, kam na tauna rab'atan Tauro.”

2.Tamuera 2:7

E a mate Tauro, ma a tia barongan Iuta ni karikai b'a aia uea. Ma ngaia are, kam na korakora ao kam na ninikoria.

2.Tamuera 5:3

Ao e karaoa ana boraraoi ma taani kairiiri Tawita i nanon tain te boowi, ao e butiia te UEA b'a e na riki b'a aia tia kakoaua. Ao i mwiina, a kab'aroa b'aan te oriwa taani kairiiri i aon atuun Tawita ni kaotia b'a e a uea man te tai aei i aon Iteraera.

1.Uea 1:25

Ngke e ingabong riki ao e tiringi taiani kao ma kao ataei ao taian tiibu aika a m'aiti. E kaoiia taiani mataniwi n te taanga ni buaka, Abiata, ao natim m'aane ni kabane nako ikekei. Ao a am'arake ni kukurei ma ni mooi ni karokoa te tai aei ma n tatakarua ni kaangai, ‘E na teimatoa maiun te uea ae Atoniia!’

1.Uea 1:34

Ngkana kam roko ikekei, ao a na karaoa kaueaan Toromon b'a uean Iteraera ae boou Tatoka ma Natan. Ao i mwiin te kauea, ngkana e a b'ara ao kam na karekea temanna ae e na katanga te bu ma n tuangiia aomata b'a a na takaarua ni kaangai, ‘E na teimatoa maiun te uea ae Toromon.!’

1.Uea 1:39

E uota b'aan te oriwa Tatoka are te ibonga man te Um'antabunrianna, ao e kab'aroa i aon atuun Toromon ni kaotia b'a e a uea ngkai. E tangi te bu, ao a bane n takaarua aomata ni kaangai, “E na teimatoa maiun te uea ae Toromon.”

1.Uea 2:44

I taku b'a ko bon atai b'aai aika a buakaka ake ko a tia ni karaoi nakon tamau are Tawita. Ao ngkai E nang katuaaeko te UEA i bukin te b'ai are ko a tia ni karaoia.

2.Uea 11:11

I mwiina, a anga b'aai ni buaka nakoia taan tei ake a onea mwiia ni katobibia te Tembora, ao te baonikarea ma ni kaawakina Ioati ma ni itera ni kabane.

2.Uea 11:2

ma e kamaiua teuare Ioati are natin Aatia Nei Ieotieb'a ngke e nang kamateaki. Ao Nei Ieotieb'a are natin Ieoram are ai m'anen Aatia, e karabaa ai natina te m'aane are Ioati, ao ana tia m'akuri i nanon te runimatu i nanon ana Tembora te UEA ike a mano iai mairoun Nei Ataria.

2.Uea 11:4

E a tia ni karabaaki Ioati are natin Aatia te m'aane i nanon ana Tembora te UEA i nanon onoua te ririki. Ao i nanon te kaitiua n ririki, ao e a kanakoa weteaia mataniwiia taan teiakina te uea, te ibonga are Ieoiata, ao n reitaki naba ma mataniwiia taan tei n te bareti. A kaaitibo ma ngaia n te Tembora, ao e buubutiia b'a a na berita nako ina n aran te UEA. Ao i mwiina, e kaotinakoa Ioati,

2.Uea 9:13

A kawaekoaia n anai kunnikaiia ma ni kamaenakoia i aon te tabo are e tei iai Ieu. E katanga te bu temanna, ao a bane n takaarua ni kaangai, “E a uea Ieu.”

2.Uea 9:3

ao kab'aroa b'aan te oriwa i aon atuuna ni kaotia b'a ngaia ngkai te uea ae e boou.” Taetae nako ina ni kaangai, ‘E a tia n rineiko te UEA b'a uean Iteraera. Ao i mwiin anne, kawaekoako n nako-tai manga babaenikai.’ ”

2.Rongorongo 23:11

Ao Ieoiata ma natina m'aane a kaira Ioati nako tinaniku, ao a katoka te baunuea i aon atuuna ao a anganna katotoon taian tua i bukin tautaekanakiia te botannaomata. E kab'aroaki b'aan te oriwa i aon atuuna ni kaotaki b'a ai te uea ngkai ngaia, ao a bane ni kukurei aomata ma n takaarua, “E na anaanau maiun te uea!”

Etita 2:17

Ao e tangiria riki te uea nakoia aine ake tabeman, ao e b'aka iroun Nei Etita, ao e anaaki nanona i rouna nakoia aine ake tabeman. Ma ngaia are, e a katokaa te baunuea i aon atuna, ma ni karikia b'a te ueanaine n onea mwiin Nei Watiti.

Etita 6:8

Angan te aomata anne taian niiniira n uea, niiniira ake ko kukunnikainiko iai. Ao anganna naba am aoti b'a e na toka i aona, ao am baunuea are e tikiraoi.

Taian Areru 132:18

E na kab'ainrangiia ana kairiribai, ma e na kakab'aia ma n tekeraoi ueana.

Taian Areru 21:3

Ko butim'aia ma kakab'aiana aika baika raraoi, Ao Ko katokaa ana baunuea ae te koora i aon atuna.

Taian Areru 21:4

E butiko te maiu, ao Ko anganna ae ananau ae akea tokina.

Taian Areru 47:1

Uboubo ni kukurei, ngkami aika botannaomata! Takaakaa ni kamoamoa te Atua.

Taian Areru 78:5

E anga taian tua nakon te botannaomata are Iteraera ake kanoan Iakob'a. E anga ana taeka nakoia ara bakatibu b'a a na reireiniia natiia taekan ana tua,

Taian Areru 89:39

Ko a tia n urua am Boraraoi ma am Toro ao Ko anaa nakoana n uea mai rouna.

Taian Areru 98:8

Ubouboi baimi, ngkami aika karaanga; ke a uaia n anene ni kakatonga taian tabuki i matan te UEA,

Te Otinako 25:16

Kam na karin Tuua ake Tebwiina ake a koreaki i aon taian atiibu i nanon te Atiniberita.

Te Otinako 31:18

Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.

Itaia 55:12

Kam na karaoa ami bootaki ni kukurei, ngkana kam a kainaomataaki ma ni m'ananga n okiri ami auti ma te rau. Ane a na anene taiani maunga ao taian tabuki ngkana kam rirarikiia, ao ane a na uboubo taian aroka.

Itaia 8:16

A na riai ni kanikinaeaki au rongorongo man anganaki au reirei.

Itaia 8:20

b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

Taniera 3:9

Ao a taku nakon te uea are Nebukaneta, “Ko na maiu n aki toki te uea!

Taniera 6:21

Ao e kaeka Taniera, “Ko na maiu n aki toki te uea!

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Mataio 27:29

A karaoa te m'ae ni kaai aika kateketeke, ao a katokaa i aon atuna; ao a kaki te kai i baina ae angaataina; a katorobubua ngkanne i matana, ao a kakanikoa ni kangai, “Ko na mauri aia Uea I-Iutaia!”

M'akuri 4:27

B'a e boni koaua b'a a botaki n te kaawa aei, Erote ma Bontio Birato, ma aomata aika tiaki I-Iutaia, ma aomata aika Iteraera n te kaawa aei, n eekaanako Natim are Raoiroi, are Iesu, are Ko a tia ni kabiria.

2.I-Korinto 1:21

Ma te Atua boni Ngaia ae kateimatoaira ma ngkami i nanoni Kristo, ao E kabirira

Ebera 1:9

Ko tangira karaoan nanon te Atua, ao Ko riba riaoakin nanona. Ma ngaia ae E kabiriko te Atua, ae Atuam, ni b'an te kim'areirei b'a Ko aonga ni kim'areirei riki i aoia raom.”

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.

Te Kaotioti 19:12

Ai aron uran te ai matana, ao a bati baunuea i aon atuna; ao iai te ara ae koreaki i aon rab'atana, ae akea temanna ae ataia b'a ti Ngaia.

1.Tamuera 10:1

Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.

1.Tamuera 10:24

Ao e taku Tamuera nakoia aomata, “Karaua n tara te aomata ae a tia n rineia te UEA! Bon akea te aomata ae ai arona!” Ao a takaarua aomata, “E na anaanau maiun te uea!”

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.