2.Uea 10:35 - Te B'aib'ara

³⁵ E mate Ieu, ao e taunaki i Taamaria, ao e a manga uea natina te m'aane are Ieoaati.

2.Uea 10:35 ပူးပေါင်းရင်းမြစ်များ

2.Tamuera 7:12

N na rinea temanna mai buakoia natim m'aane b'a e na uea ngkana ko a roko n tokin maium ma n taunaki n ruanimateia am bakatibu. N na karikia b'a te tia tautaeka ae e korakora,

1.Uea 1:21

Ngkana ko aki katanoata b'a antai ae e na uea i mwiim, ao ane a na taku aomata b'a I kamangao ma Toromon. Ane a na karaoira b'a kaanga buure ao a na tiringiira bon i mwiin naba matem.”

1.Uea 14:20

E uea i aon Iteraera i nanon 22 te ririki, ao i mwiina e mate, ao e a manga uea natina te m'aane are Nataba i mwiina.

1.Uea 14:31

Boni kaain Ammon tinan Reoboam are Nei Naama, ma ngke e mate Reoboam, ao e taunaki i rarikiia ana bakatibu i Ierutarem. E a manga uea natina te m'aane are Abiiam.

1.Uea 2:10

E uea Tawita i aon Iteraera i nanon 40 te ririki. E uea i Eberon i nanon itiua te ririki, ao e uea i Ierutarem i nanon 33 te ririki.

2.Uea 10:30

Ao rimwi riki, E taku te UEA, “Ieu, ko a tia ni karaoa ae e eti ngke ko kamaunaa ana utu Aaba ni kabane, n aron are I a tia ni baaireia. Ma ngaia ae, N na kakoaua raoi b'a uean Iteraera akana aman imwiim a na nako man am utu.”

2.Uea 10:34

A tauaki mwiini b'aai ni kabane ake e karaoi Ieu ngke e uea, ni ikotaki ma ana m'akuri n ninikoria n te boki are Rongorongoia Uean Iteraera.

2.Uea 10:36

E a tia n tautaekana Iteraera Ieu mai Taamaria i nanon 28 te ririki.

2.Uea 13:1

E riki ni uea Ieoaati are natin Ieu i aon Iteraera n ana ka 23 n ririki ni uea Ioati i aon Iuta. E tautaeka Ieoati i nanon 17 te ririki mai Taamaria,

2.Uea 13:9

E mate Ieoaati ao e taunaki i Taamaria ao e manga uea natina te m'aane are Ieoati.