2.Uea 10:30 - Te B'aib'ara

³⁰ Ao rimwi riki, E taku te UEA, “Ieu, ko a tia ni karaoa ae e eti ngke ko kamaunaa ana utu Aaba ni kabane, n aron are I a tia ni baaireia. Ma ngaia ae, N na kakoaua raoi b'a uean Iteraera akana aman imwiim a na nako man am utu.”

2.Uea 10:30 ပူးပေါင်းရင်းမြစ်များ

1.Uea 20:42

Ao e taku te burabeti, “E bon tuangko ngkoa te UEA b'a ko na tiringa Benatata, ma ko a tia ni kainaomata. Ao ngkai ko nangi manga tiringaki n onea mwiina, ao a na tiringaki naba am aomata n onea mwiia ana aomata.”

1.Uea 21:22

A na kamaunaaki ni kabane am utu, n aron ana utu te uea are Ieroboam ao te uea are Baatia. Ko a tia n rangi ni kauna te UEA n am bure ao ko karekeia Iteraera n te bure.

1.Uea 21:29

“Ko noora raraoman Aaba n te b'ai ae e a tia ni karaoia? N na aki katuaiia ana utu ngkai e maiu. N na tataninga ni karokoa te tai are e uea iai natina te m'aane.

2.Uea 10:35

E mate Ieu, ao e taunaki i Taamaria, ao e a manga uea natina te m'aane are Ieoaati.

2.Uea 13:1

E riki ni uea Ieoaati are natin Ieu i aon Iteraera n ana ka 23 n ririki ni uea Ioati i aon Iuta. E tautaeka Ieoati i nanon 17 te ririki mai Taamaria,

2.Uea 13:10

E riki b'a te uea Ieoati i aon Iteraera n ana ka 37 n ririki n tautaeka uean Iuta are Ioati, ao e tautaeka i nanon 16 te ririki mai Taamaria.

2.Uea 14:23

E uea Ieroboam are natin Ieoati te m'aane i aon Iteraera n ana katebwi ma nimaua n ririki ni uea Amatia i aon Iuta. E uea Ieroboam i nanon 41 te ririki mai Taamaria.

2.Uea 14:29

E mate Ieroboam ao e taunaki, ao e a manga uea natina te m'aane are Tekaria.

Otea 1:4

Ao E taku te UEA, “Otea, aran natim te m'aane bon Ietireera, b'a N na katuaaea ana kariki uean Iteraera are Ieu n te tai ae e aki maan i bukin te m'akuri n tiritiri are e karaoia n te M'arua are Ietireera. N na kamaunaa abanueana,

Nakoaia Ibonga 26:25

E na riki te buaka i bukina b'a kam urua ara boraraoi, ao ngkana kam biri nakon ami kaawa ake a oaki, ao N na katuaaingkami n te aoraki ae e korakora, ao kam na reke irouia ami kairiribai.