2.Uea 10:25 - Te B'aib'ara

²⁵ Ao ngke e a tib'a bane ana angakarea Ieu, ao e a tuangiia taan tei ao tautia ni kaangai, “Mai tiringiia, Tai kabiri nakoa temanna.” A tiringiia ni kabane kaain te bootaki arei, ao a tewenakoi rab'ataia i tinaniku, ao i mwiina, a manga rin nako n te tembora,

2.Uea 10:25 ပူးပေါင်းရင်းမြစ်များ

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

2.Uea 11:18

Ao i mwiin arei, ao a nako aomata n rin n te tembora are e karaoaki i bukin neboakin B'aara, ao a kab'aka. A urui taiani baonikarea ao taiani bouananti ao a tiringa Matan are ana ibonga B'aara, i matan te baonikarea. I mwiina ngke e a tia Ieoiata ni katikuia taan tei ni katobibia te Tembora,

2.Uea 23:20

E tiringiia ibonga ake a m'akuri iai ao e kabuoki riia i aon taiani baonikarea. I mwiin baikai ni kabane, ao e a okira Ierutarem Iotia.

Te Otinako 22:20

Tuaan te angakarea nakoia anti tabem'aang, bon te tiringaki akea riki b'a bon ti Ngai.

Te Otinako 32:27

ao e taku nakoia. “E tuangkami te UEA b'a kam na kabaei ami kabaang ma n nako n niniia aia maeka, n tiringiia ami koraki, raoraomi, ao kaain rarikimi nako.”

1.Tamuera 22:17

Ao i mwiina, e taku nakoia ana taan tararuaia ake a teitei i rarikina, “Tiringa ana ibonga te UEA! E iango ni kam'ane ma Tawita ao e aki tuangai ae e biri nako, e ngae ngke e a bon tia n ataia mai m'aaina.” Ma a rawa taan tararuaa te uea n tiringa ana ibonga te UEA.