2.Uea 10:11 - Te B'aib'ara

¹¹ Ao i mwiin arei, ao e bane n tiringiia ni bane Ieu ana koraki Aaba ake a maeka i Ietireera, n reitaki ma ana mataniwi ake kabanea n rietaata, ana ibonga, ao raoraona ake e rangi n reitaki ma ngaiia, bon akea temanna man ana utu Aaba ae tiku ni maiu i Ietireera.

2.Uea 10:11 ပူးပေါင်းရင်းမြစ်များ

1.Uea 14:10

Ao i bukin aei, ao N na kamaunaa am utu n tiringiia m'anena ni kabane ma ataei ni m'anena, aika tooro ke aika inaomata. N na kamaunaa am utu, n aron te ai ngkana e kabuoka te maange.

1.Uea 15:29

E kaangai ngkoa ana taeka Ana burabeti te UEA are Aiia, Bon akea temanna mai buakoia m'anen ke ataeinim'aanen ana utu Ieroboam ae e na tiku ni maiu. Ma ngaia are, ni bon te tai are e uea iai Baatia, ao e kabaneia n tiringiia ana utu Ieroboam,

1.Uea 16:11

Ao ni bon te taa naba are e uea iai Timri, ao e kabaneia n tiringiia ana utu ni kabane Baatia. Bon akea naba temanna te m'aane ke te ataeinim'aane man ana utu ae e tiku ni maiu, n reitaki naba ma raoraona a bane naba n tiringaki.

1.Uea 18:19

Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

1.Uea 21:22

A na kamaunaaki ni kabane am utu, n aron ana utu te uea are Ieroboam ao te uea are Baatia. Ko a tia n rangi ni kauna te UEA n am bure ao ko karekeia Iteraera n te bure.

1.Uea 21:29

“Ko noora raraoman Aaba n te b'ai ae e a tia ni karaoia? N na aki katuaiia ana utu ngkai e maiu. N na tataninga ni karokoa te tai are e uea iai natina te m'aane.

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

2.Uea 10:12

Ao e nako Taamaria Ieu, ao i aoni kawaina, ao e kaaitibo ma tabeman ana koraki uean Iuta are Aatia n te tabo are a bobowi iai taani kaawakin tiibu.

2.Uea 23:20

E tiringiia ibonga ake a m'akuri iai ao e kabuoki riia i aon taiani baonikarea. I mwiin baikai ni kabane, ao e a okira Ierutarem Iotia.

2.Uea 9:7

I tangiriko b'a ko na kamaunaiia ana utu Aaba, b'a e aonga n katuaaeaki Ietebera i bukin tiringakiia burabeti, ao au taani m'akuri ake tabeman.

2.Uea 9:9

A na bane n tiringaki ana utu ni kabane, n ai aroia ana utu Ieroboam are natin Nebata ao Baatia are natin Aiia te m'aane.

2.Rongorongo 22:7

Bon i nanon te kaaitibo anne are E a tiringa iai Aatia te Atua. Ngke e roko Aatia i Ietireera, ao e nako ma Ioram ni kaaitibo ma Ieu are tibun Nimti te m'aane. E a kaman tuanga Ieu te UEA b'a e na tiringiia m'aane ni kabane aika ana utu Aaba,

2.Rongorongo 22:8

ao ngke e karaoa anne Ieu, ao e a manga nooriia tabeman taani kairiiri mai Iuta ao ai natin Aatia te m'aane ake a roko ma Aatia. E bon tiringiia naba Ieu n te tabo arei,

Iobi 18:19

Akea ana kariki, ao akea naba te nikira ni maiu i rouia kaain te auti are e mamaeka iai.

Taian Areru 109:13

A bia bane ni mate ana kariki, ao e bia aki uringaki taekana n te roro ae na roko.

Taian Areru 125:5

Ma ngkana Ko kareke kaiia akana buakaka, ao e na kareke kaiia naba akana aki ira nanom. Tataro i bukin reken te rau i aoia Iteraera!

Taeka n Rabakau 13:20

Kam na wanawana irouia raoraomi aika a wanawana, ma kam na bon kaikoakaki ngkana kam iririia aika a nanobaba.

Otea 1:4

Ao E taku te UEA, “Otea, aran natim te m'aane bon Ietireera, b'a N na katuaaea ana kariki uean Iteraera are Ieu n te tai ae e aki maan i bukin te m'akuri n tiritiri are e karaoia n te M'arua are Ietireera. N na kamaunaa abanueana,

Iotua 10:30

Ao e a manga katokanikaia naba aomatan Iteraera te UEA i aon te kaawa arei ma ueana. Bon akea temanna ae kamaiua, a bane n tiringiia kaain te kaawa ni kabane. Ao a manga karaoia naba nakon Ribena te b'ai are a karaoia naba ngkoa nakon uean Ieriko.

Iotua 11:8

Ao e anga te tokanikai te UEA nakoia Iteraera, ao a buakaniia aia kairiribai ma ni kakioia nako iaang ni karokoa Metirebotamaim, ma Titon, ao ni waerake naba ni karokoa m'aruan Mitibe. E bon waaki nako te buaka ni karokoa a bane raoi ni mate aia kairiribai.

Iotua 15:56

Ietireera, Ioketeam, Tanoa,

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.