2.Uea 1:17 - Te B'aib'ara

¹⁷ Ao e mate Aatia, n aron are E a tia n taekinna te UEA. Ma i bukina ngke akea natin Aatia te m'aane, ao e a manga uea tarina are Ioram. E riki aei n ana kauoua n ririki ni uea Ieoram are natin Ieotiab'ata ao uean Iuta.

2.Uea 1:17 ပူးပေါင်းရင်းမြစ်များ

1.Uea 17:16

Ao E kaawakina ana Berita te UEA are e karaoia Ana burabeti are Eria, ao e bon aki roko n te bane ana buraawa ke ana b'atoro n oera neierei.

1.Uea 22:38

Ao a kaitiaka ana kaanibuaka tabeman taani m'akuri i rarikin te koburake n ran are i Taamaria, ao a tebokia taian kabekaau ni kaitiakia n raraana. A newenewea raraan Aaba ake n te tano taian kamea, n aron are e a tia n taekinna te UEA.

1.Uea 22:42

Bon 35 ana ririki Iotiab'ata ngke e uea ao e tautaeka mai Ierutarem i nanon 25 te ririki ao aran tinana bon Nei Atuba are natin Tirei.

1.Uea 22:51

Ao e uea Aatia are natin Aaba i aon Iteraera n ana ka 17 n ririki Iotiab'ata ni Uea i aon Iuta, ao e uea i nanon 2 te ririki mai Taamaria.

2.Uea 1:18

A tauaki mwiini b'aai ni kabane ake e karaoi Aatia i nanon ana tai ni uea i nanon te boki are Rongorongoia Uean Iteraera.

2.Uea 10:17

nako Taamaria. E tiringiia ana utu Aaba ni kabane Ieu ikekei ni ikotaki ma ana mataniwi ni kabane. A bane ni mate ngkai kaain ana utu, n aron are E a tia ni berita iai te UEA nakon Eritai.

2.Uea 3:1

E uea Ioram are natin Aaba i aon Iteraera n ana ka katebwi ma wanua n ririki ni uea Ieotiab'ata i aon Iuta. E tautaeka Ioram mai Taamaria i nanon tebwi ma uoua te ririki

2.Uea 9:36

A tuanga Ieu taekani baikai, ao e taku Ieu, “E tuangaki ngkoa Eritai iroun te UEA b'a e na kanaki rab'atan Nei Ietebera irouia kamea i Ietireera ikai.”

2.Rongorongo 17:1

Ao e a manga uea Ieotiab'ata are natin Ata te m'aane ao e a manga kakorakora riki m'akana ni kaitaraa Iteraera.

Te Tua-Kaua 34:5

Ma ngaia are, e mate ana Toro te UEA are Moote ikekei i aon Moaaba n aron are a tia n taekinna te UEA.