2.Timoteo 3:1 - Te B'aib'ara

¹ Ma ko na ata aei, b'a ane a na roko taai aika kamamate ni boong aika kabaneani boong.

2.Timoteo 3:1 ပူးပေါင်းရင်းမြစ်များ

Karikani B'aai 49:1

Ao e weteia natina mm'aane Iakob'a ao e taku, “Katobibiai, b'a N na tuangngkami te b'ai ae a na riki ni boong aika a na roko:

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Ieremia 48:47

Ma n te bong teuana, N na kairiia ami aomata n okirii mwengaia. Bon aei Au taeka Ngai ae te UEA.

Ieremia 49:39

Ma I berita b'a n te tai teuana are N na uotiia ami aomata n okira abaia.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 12:11

Ngkana e a katokaki te angakarea are e katoa bong, ao e a kateaki te b'ai ae moan te kakamaaku, ao e na riai n tia ni bane 1,290 te bong.

Taniera 12:7

Ao e tabeka baina te anera ni kauaai nako karawa, ao e berita n aran te Atua ae akea tokina. Ao I ongo ana taeka ae e kaangai, “E na nakon tenua ma te iterana te ririki. Ngkana e a toki karawawaataia ana Aomata te Atua, ao a na tia ni bane n riki baikai.”

Taniera 7:8

Ao ngke I tabe ni matakuakini taiani koro ao I noora te koro teaina ae e uarereke ae e kaoti i rarikin ake tabeai. Ao e kouti tennai taiani koro mai buakon ake a kamani mena i m'aaina. Iai matan te koro aei kaanga te aomata, ao iai naba wiina ae e rangi n taetae ni kamoamoa.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Mika 4:1

Ni boong aika a na roko, e na riki b'a te kabanea n rietaata i buakon maunga te maunga are e tei iai ana Tembora te UEA, e na bura i aon tabuki nako. A na b'ab'aroakinna botannaomata nako.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

2.Betero 3:3

Aio moa ae na ataaki, b'a ni boong aika kabaneani boong, ao a na roko taani kakaniko ni kakaniko n aroni kairaia n oin nanoia ni kaib'ab'aru,

1.Ioane 2:18

Ataei, aei te kabanea n aoa; ao n aron are kam ongo b'a e nangi roko ana kairiribai Kristo, ao bon iai ngkai ana kairiribai Kristo aika bati aika kaoti. Ma ngaia ae ti ataia iai b'a aei te kabanea n aoa.

Iuta 1:17

Ngkami aika kam tangiraki, kam na uring taeka ake a atongaki rimoa irouia ana taan tuatua ara Uea are Iesu Kristo.

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”