2.Timoteo 2:26 - Te B'aib'ara

²⁶ ao tao a na oki aia iango iai, ao a na maiu man ana b'ai ni kam'am'ane te riaboro, ngkai a tia n tauaki i rouna b'a konana ake e karaoia b'a a na karaoa nanona.

2.Timoteo 2:26 ပူးပေါင်းရင်းမြစ်များ

Iobi 1:12

E taku te UEA nakon Tatan, “E tamaroa, a mena b'aai ni kabane akana i rouna i nanoni baim, ma ko na aki kaikoaka Iobi.” Ao e a nako Tatan.

Iobi 2:6

Ao E taku te UEA nakon Tatan, “E raoiroi, e mena taekana ngkai i nanoni baim, ma ko riai n aki tiringnga.”

Taian Areru 124:7

Ti a tia ni kainaomataaki n ai aron te mannikiba ae kainaomataaki man ana b'ai ni kam'am'ane te tia kaei maan;

Itaia 28:13

Ao ngkai e nang riki ana rongorongo nakoim b'a taiani b'anaa aika akea nanoia aika a na okioki. Ao i mwiina, ko na b'aka nako bukim, ma ni ikoaki ao ni m'ane.

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Itaia 8:15

Bon te b'ai ni kam'ane Ngai are e na raweia kaain Ierutarem—-a na konaaki ma ni katikitikaki nako.

Ruka 11:21

Ngkana e kawakina mwengana te aomata ae aintoa, ae tauraoi ma ana b'ai n un, ao a rau ana b'ai.

Ruka 15:17

Ma ngke e a manga reke nanona ae wanawana, ao e taku, “Ai m'aiti ra ana toro tamau ake a kabooaki aia m'akuri aika kau am'arake ao ngai I a mate ni baki ikai!

Ruka 5:10

ao a mimi naba n aei Iakobo ma Ioane ake natin Tebetaio b'a ngaiia ake raon Timon. Ao E taku Iesu nakon Timon, “Tai maaku; b'a man te tai aei ao ane a na reke aomata b'a konam.”

Ioane 13:2

Ao ngke a am'arake, ngke e a tia te riaboro ni karina te iango i nanon Iuta, are natin Timon Itekariota, b'a e na kam'anea Iesu,

Ioane 13:27

I mwin te tai are e reke iroun Iuta iai te m'akoro ni kariki, ao e a rin naba Tatan i nanon Iuta. E taku ngkanne Iesu nakoina, “Tai tab'ara, karaoa ane ko nang karaoia.”

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

M'akuri 5:3

E taku Betero nakoina, “Anania, e aera ngkai e anaaki nanom iroun Tatan b'a ko na kewe nakon te Tamnei are Raoiroi, ao b'a ko na taua teutana man te m'ane are boon te aba?

1.I-Korinto 15:34

Kam na b'aina te iango raoi, ao tai bure; b'a iai tem'angina i buakomi aika aki ata te Atua; ao I taekina aei b'a kamamaaeami.

2.I-Korinto 2:11

b'a e aonga n aki reke ana tai Tatan ni m'aaka i aora; b'a ti atai aron ana iango nako.

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

1.Timoteo 1:20

i buakoia te koraki aei bon Umenaio ma Arekantero, are I katikuia nakon Tatan, b'a a aonga n reireiaki b'a a na tai taetaebuaka te Atua.

1.Timoteo 3:7

E riai n riki b'a te aomata ngaia ae karineaki irouia aomata aika tiaki kaain te ekaretia, b'a e kaawa ni kamangoraki arona ao e b'aka i nanon ana b'ai ni kam'am'ane te riaboro.

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.