2.Timoteo 2:24 - Te B'aib'ara

²⁴ Ao e aki riai b'a e na kauntaeka ana toro te Uea; ma e na nimamannei nakoia aomata ni kabaneia, e na rabakau n reireiia aomata, e na taotaona nanona, ao

2.Timoteo 2:24 ပူးပေါင်းရင်းမြစ်များ

2.Rongorongo 24:6

Ma ngaia are, e a manga kawaekoa Ieoiata are te ibonga are e rietaata ao e titirakinna ni kaangai, “E aera ngkai ko aki kanakoia kanoan Rewi b'a a na rikoi taian ronrab'ata? E kariaia ngkoa ana toro te UEA are Moote ao aomata b'a e na rikoaki taian ronrab'ata ma ni kamanenaaki i bukin kateimatoan te Um'antabunrianna.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Mataio 12:19

E na aki m'am'angaingai, ke n tatakarua, ke ni kaberoro i tutani kawai;

Ioane 6:52

A kauntaeka ngkanne I-Iutaia i bon i rouia, ao a kaangai, “E na kanga Teuaei ni kona n anganira irikona b'a karara?”

M'akuri 15:2

E bo te kauntaeka ae ab'ab'aki i marenaia uakekei ma B'auro ao B'arenaba i bukin te baere a taekinna uakekei; ao a rineaki ngkanne B'auro ma B'arenaba ma raoia tabem'aang mai Antioka b'a a na nako Ierutarem nakoia taan tuatua ma unimm'aane i bukin te baere a kauntaeka iai.

M'akuri 23:9

Ao e riki te takarua ae korakora; a teirake taani koroboki tem'angina ake raoia B'aritaio, ao a kauntaeka, ao a taku, “Akea aron teuaei ae buakaka ae ti kunea. E aki ngkoa ao tao e a tia n taetae nakoina te tamnei ke te anera!”

M'akuri 7:26

N te bong are i mwiina, ao e nooriia uoman b'a a un. E kan raoiakiniia, ma ngaia are e kaangai, “Mm'aane, kai taari ngkami, kam aera ngkai kam a kaikoakingkami?”

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Korinto 10:4

b'a ara b'ai ni buaka aika ti kamanenai n te buaka bon tiaki b'ain aon te aba, ma b'ai ni buaka aika korakora iroun te Atua n uru taabo ni buaka aika matoatoa. Ti uru taeka ni baka n rabakau,

2.I-Korinto 6:4

Ma ti kaotira b'a ana taani m'akuri ni koaua te Atua ngaira n aaro nako. N te nanom'aka ae bati, n taian rawawata, n taiani kainano, n taiani maraki, n taai aika kanganga.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Ebeto 4:2

kam na b'aina te nanorinano ni kabanea ma te nimamannei, ma te taotaonaki n nano, ni tob'atob'ai aromi ma te nano n tangira;

Te Tua-Kaua 34:5

Ma ngaia are, e mate ana Toro te UEA are Moote ikekei i aon Moaaba n aron are a tia n taekinna te UEA.

I-Biribi 2:14

Kam na karaoi b'aai ni kabane n aki ngurengure ma n aki kabo-taeka;

I-Biribi 2:3

ao akea te bae kam na karaoia ma te kauntaeka ke te kainikatonga, ma kam na b'aina te nanorinano, temanna nakon temanna, n aromi n iangoia b'a a raoiroi riki nakoimi.

I-Korote 3:13

Kam na i taotaon nanomi, ao kam na i kab'ara bure i roumi, ngkana iai aki raun nanon temanna iroun temanna. B'a aron te UEA ni kab'ara ami bure, ao ai bon aromi naba nako imi.

1.I-Tetaronike 2:7

E boni ngae ngke iai ara kona n tangiri b'aai i bukira mai roumi, ngkai ana tia tuatua Kristo ngaira; ma ti nimamannei i buakomi, n ai aron te tia tob'a ngkana e akoia oin natina.

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

Tito 1:1

Ngai ae B'auro, ana toro te Atua, ao ana tia tuatua Iesu Kristo, i bukin aia onimaki ake a rineaki iroun te Atua, ma ataakin te koaua n te Aro ni Kristian.

Tito 1:7

B'a te mataniwi n te ekaretia, ngkai ana touati te Atua ngaia, ao e riai n akea kabuakakaana. E na tai b'ab'aotiniia aomata, e na tai kakai un, e na tai mamanging, e na tai kakai oro, ao e na tai kani b'aib'ai n te aro ae aki riai;

Tito 1:9

e na taua ni kamatoa te taeka are iai onimakinana are e reireiaki iai, b'a e aonga ni kona ni kaungaia aomata n te reirei ni koaua, ma ni kaoti aia kairua te koraki akana ekianako.

Tito 3:2

a na tai taetae ni kabuakaka temanna, a na tai unun, a na taotaon nanoia, a na kaota te aro n nimamannei ni kabanea nakoia aomata ni kabaneia.

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

Iakobo 4:2

Kam tangiri b'aai, ao a aki reke iroumi; ma ngaia ae kam kamateia aomata. Kam bakantang, ao a aki kona n reke ami b'ai, ma ngaia ae kam un ao kam buaka. A aki reke ami b'ai b'a kioina ngkai kam aki bubuti.

Iotua 1:1

I mwiin maten Moote are Ana toro te UEA, ao E taetae te UEA nakon ana kauoman Moote are Iotua are natin Nuun te m'aane, ao

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.

Iuta 1:3

Ngkami aika kam tangiraki, ngke e korakora nanou ni kani koroboki nako imi n taekina te maiu ae bon ara b'ai ma ngkami, ao I taku b'a e bon riai b'a N na koroboki nako imi ni butingkami b'a kam na kakorakoraingkami i bukin te onimaki are a anganaki ake a itiaki n te tai ae ti teuana ao akea riki.