2.Timoteo 2:20 - Te B'aib'ara

²⁰ A mena i nanon te auti ae ab'ab'aki tiaki ti m'angko aika karaoaki mani koora ao tirewa, ma iai naba aika karaoaki mani kaai ma taano; iai tabeua i buakoia aika b'aini botaki aika kakannato, ao tabeua a kabonganaki n taai n aki akaaka.

2.Timoteo 2:20 ပူးပေါင်းရင်းမြစ်များ

Etira 1:6

Ao ake tekorakina a buobuoki n anga b'aai aika a karaoaki man te tirewa, ao taiani koora, ao bon aia b'ai nako, taian kao, ao b'aintangira riki tabeua aika a kakaawaki, ao ai uana naba ma taian angab'ai i bukin te Tembora.

Etira 6:5

Ao manga kaoki nakon nneia taian koora ma tirewa ake e anai ngkoa Nebukaneta man te Tembora nako B'aburon.

Te Otinako 27:3

A na bane b'ain nako te baonikarea ni karaoaki n te buraonti, taian baan i bukin te mannang ae kabuebue, te tiabora, taian boora n tataauri, kainiwaiteken te irikoniman, ao baanin te ai.

B'aeb'aeti 4:2

A riki b'a kaanga boora aika atiibu, m'anen Tion aika rorobuaka n ataei, ake kaanga aron tamaroan koora ngkoa nakoira.

Taniera 5:2

Ao ngke a tabe ni mooi, ao e tua Beretiata b'a a na uotaki nakoina taiani koora ma m'angko ma boora ake taian tirewa ake e anai tamana are Nebukaneta man te Tembora are i Ierutarem. Ao e tib'ai nakoia ana iruwa ake a kakannato, ma buuna nako, ao nakoia buuna naba ni kewe b'a a na mooi iai.

Ioane 8:49

E kaekaia Iesu ao E taku, “Akea te taimonio irou; ma I karinea Tamau, ao ngkami kam aki karineai.

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”

1.I-Korinto 3:9

Aboro ao ngai, bon raao ni m'akuri i bukin te Atua; ao ngkami ana o n aroka te Atua. Ao ana auti naba ni maeka ngkoe.

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.

I-Ebeto 2:22

Ni katiteuanakimi ma Ngaia ao kam a kateaki naba ma raomi nako n onimaki b'a ana auti te Atua ae na mamaeka iai iroun Tamneina are Raoiroi.

1.Timoteo 3:15

Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.