2.Timoteo 2:2 - Te B'aib'ara

² ao baikana ko ongo i rou ake I taekin i mataia taani kakoaua aika bati, ko na mwiokoi nakoia aomata aika kakaonimaki, aika kona n reireiia naba tabem'aang.

2.Timoteo 2:2 ပူးပေါင်းရင်းမြစ်များ

Etira 7:10

E a tia Etira ni kabanea maiuna ni kamateb'aia, ao n ongotaeka n ana Tua te UEA ma n reireiniia tabem'aang iai.

Etira 7:25

Etira, ko na kamanenaa te wanawana ane e a tia n anganiko te Atua n rineia mataniwi, ao taani kairiiri ake a na tararuaia kaain m'akoron te tautaeka are i Maeao. A na riai taani kairiiri aikai n ataa ana tua te Atua, ao a na reireiniia aomata ni kabane aika a aki ataia.

Neemia 7:2

I katuka tariu are Anani b'a e na tararua Ierutarem, n reitaki ma Anania, are te kam'aanta n te nono b'a e onimakinaki, ao e karinea te Atua nakon are a karaoia aomata nako.

Taian Areru 101:6

N na tarataraia akana kakaonimaki i aon te aba, B'a a na maeka irou n au bareti. Ake a b'ab'aina te koaua ao ana riki b'a au tia m'akuri.

Taeka n Rabakau 13:17

E konaa ni karaoiroi b'aai ke ni i kabuakakai b'aai nakoimi te aomata ae e na karokoa ami rongorongo.

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Nakoaia Ibonga 14:42

A na manga kamanenaaki atiibu aika boou n onei mwiin ake a tia ni kanakoaki, ao e na kanim'aki naba te buraatita ae boou i aon te o.

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Warekaia Iteraera 12:7

Ma Moote bon Au tia m'akuri ae te tia kairiia Au aomata.

Mataio 13:52

Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Mataio 24:25

Noria, I a tia n tuangngkami ngkai a tuai n roko.

Ruka 12:42

Ao E taku te Uea, Antai te touati ae kakaonimaki ae wanawana, are e na mwiokoaki iroun ana mataniwi b'a e na tararuaia ana toro, n angania kanaia ake a tia ni baireaki n taiia?

1.I-Korinto 4:2

Ao te bae e tangiraki mairouia touati bon aroia ni kakaonimaki.

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

2.I-Korinto 3:5

Akea i roura te bae ti na taku iai b'a ti kona ni karaoa te b'ai teuana i bon i roura; ara kona ni karaoia boni mairoun te Atua,

I-Korote 1:7

N ai aron are kam reireiaki iai iroun Eb'abera are raora ni m'akuri ae tangiraki, ae ana tia m'akuri Kristo ae kakaonimaki, ae onei mwira ni m'akuri.

1.Timoteo 1:12

I katituaraoa Teuare kakorakoraai, are Kristo Iesu are ara Uea, b'a E atongai b'a I kakaonimaki, ngkae E rineai b'a te tia m'akuri i bukina.

1.Timoteo 1:18

I anganiko te taeka aei, natiu ae Timoteo, n ai aron taian taeka ni burabeti ake a rimoa n taekiniko, b'a ko na kamanenai b'a am b'ai ni buaka b'a e aonga n nako raoi arom ni buaka,

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

1.Timoteo 4:6

Ngkana ko anga taeka n reirei aikai nakoia taari, ao ko riki iai b'a a na tia m'akuri ae e raoiroi Kristo Iesu, ae ko nabeaki n taekan te onimaki ma taekan reirei aika raraoi, aika ko tou mwiia.

1.Timoteo 5:22

Ko na tai kukuri ni katokaa baim i aon temanna ni katabua nakon nakoana i bukin te Uea. Ko na tai buokanib'ai n aia bure tabem'aang; ko na b'aina te maiu ae itiaki.

1.Timoteo 6:12

Ko na kekeiaki m'aaka n te kabo birim'aaka ae b'ain te onimaki, ao karekea te maiu are aki toki b'a kaniwangam; b'a ngaia aei te maiu are E weteiko nako iai te Atua ngke ko moa ni kaota iai am onimaki i mataia taani kakoaua aika bati.

2.Timoteo 3:10

Ma ngkoe, ko a tia n tou mwin au reirei, ma aroarou, ma oin au kaantaninga, ma au onimaki, ma taotaonan nanou, ma au tangira, ma nanom'akau,

2.Timoteo 3:14

Ma ngkoe, ko na tai toki n tauu ni kamatoai baikana ko reireiaki iai, akana ko kakoauai raoi, ngkai ko ataiia ake a reireiniko iai;

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

1.Tamuera 2:35

I a tia n rinea te aomata temanna b'a Au ibonga, ae te aomata ae na kakaonimaki ma n ongotaeka i Rou. N na karikiia ana utu b'a taiani ibonga ao a na buoka au uea ae rineaki.