2.Tamuera 8:4 - Te B'aib'ara

⁴ E kataenikaiia tengaa itibubua taan buaka mai aoia aoti Tawita ao uabwi te ngaa tautia ake a nakonako. E kataui naba kaa ni buaka, ma e urui ni kabane ma ti tebubua mai buakoia aika e katikui.

2.Tamuera 8:4 ပူးပေါင်းရင်းမြစ်များ

Karikani B'aai 49:6

N na bon aki rin i nanon aia taetae ni karaba, N na aki reitaki ma ngaiia n aia kakabowi, B'a a tiringiia aomata ni marakin nanoia ao a katoaraaia taian kao i bukin aia takakaro.

1.Uea 10:26

Boni iai ana kaanibuaka are e katikitikaki irouia aoti ae m'aitina 1,400 ao 12,000 ana aoti aika e kaawakin i Ierutarem ao ni kaawa naba ake tabeua.

1.Rongorongo 18:4

A reke iroun Tawita teuana te ngaa te kaanibuaka, itiua te ngaa taani buaka i aon taiani kaanibuaka, ao uabwi te ngaa tautia. Ao e katoaraaia ni kabane ma e ti katikui tebubua taian aoti.

Taian Areru 20:7

Tem'angina a onimakin aia kaanibuaka, ao tem'angina aia aoti, ma ngaira, ti onimakina m'aakan te UEA ae Atuara.

Te Tua-Kaua 17:16

E na aki riai ni m'aiti ana aoti te uea, ma ai moaraara riki taian aoti mai Aikubita. B'a E taku te UEA b'a akea ae na manga okira riki Aikubita.

Iotua 11:6

E taku te UEA nakon Iotua, “Tai maakuia, b'a N nang tiringiia nakon te ingabong i bukiia aomatan Iteraera. Kam na kaikoaki aia aoti ni kam'aukuia, ao kabuoki aia kaa ni buaka.”

Iotua 11:9

E karaoa tuangana Iotua i roun te UEA, ao e kam'aukui aia aoti ma ni kabuoki aia kaa ni buaka.