2.Tamuera 8:18 - Te B'aib'ara

¹⁸ Benaia are natin Ieoiata bon te kam'anta irouia taan tararua Tawita. Bon taiani ibonga natin Tawita aika m'aane.

2.Tamuera 8:18 ပူးပေါင်းရင်းမြစ်များ

2.Tamuera 15:18

E tei Tawita ikekei n taraia ana taanga ni buaka ma ana taan tararuaia ake a tabe ni m'ananga rimwiia. Taiani kabane ni kurubu bon tautia ake onobubua ake a iria mai Kata. Aia kam'anta bon Itai.

2.Tamuera 20:23

Ioaba bon mataniwiin ana taanga ni buaka Iteraera ae e b'anin. Benaia are natin Ieoiata te m'aane boni ngaia are e tararuaia taan tararuaa Tawita.

2.Tamuera 20:26

Ao ana ibonga Tawita bon Ira are natin Iaira.

2.Tamuera 20:7

Ao e kiitana Ierutarem Abitiai b'a e na kataia n taua Tieba. E kaira Ioaba ma ana tautia, ao ai uana naba ma taan tararuaa Tawita ao tautia aika a bane aroia.

1.Uea 1:38

Ao a nako Tatoka ma Natan ao Benaia ao a kairiia uakoraki ana taani kaawakina Tawita aika a bane aroia. Ao e toka Toromon i aon ana miure Tawita ngke a m'ananga nakon Koburaken ranin Kion.

1.Uea 1:44

E toka Toromon i aon ana miure Tawita ngke a m'ananga nakon Koburaken ranin Kion, ao a iria Tatoka, Natan, Benaia, ao taani kawakina Tawita ake a bane aroia.

1.Uea 1:8

Ma a rawa Tatoka are te ibonga ma teuare Benaia are natin Ieoiata, ma Naatan are te burabeti, ma Timei, ma Rei, ao taani kawakina Tawita, n tei i bukina.

1.Uea 2:25

Ao e takaarua Toromon ni kaangai, “Benaia. Naako tiringa Atoniia.” Ao e mate Atoniia.

1.Uea 4:4

Benaia are natin Ieoiata are te kam'anta n te taanga ni buaka; Tatoka ao Abiata ake ibonga;

1.Uea 4:5

Ataria are natin Natan are e tararuaia aobitia; Tabuta are natin Natan are te ibonga ao raoraon te uea.;

2.Uea 11:4

E a tia ni karabaaki Ioati are natin Aatia te m'aane i nanon ana Tembora te UEA i nanon onoua te ririki. Ao i nanon te kaitiua n ririki, ao e a kanakoa weteaia mataniwiia taan teiakina te uea, te ibonga are Ieoiata, ao n reitaki naba ma mataniwiia taan tei n te bareti. A kaaitibo ma ngaia n te Tembora, ao e buubutiia b'a a na berita nako ina n aran te UEA. Ao i mwiina, e kaotinakoa Ioati,

1.Rongorongo 11:22

Benaia bon natin Ieoiata te m'aane ae e ninikoria man te kaawa are Kabeteera are e karaoi b'aai aika a kamimii. N te tai teuana, e tiringiia uoman ana taani buaka Moaba aika a bane aroia, ao n te bong ni kam'aitoro teuana, e nako nakon te kinono ao e tiringa te raian iai.

1.Rongorongo 18:17

Te mataniwi irouia taan tararua Tawita bon Benaia are natin Ieoiata. Bon kabanea n rietaata n nakoaia natin Tawita ake m'aane.

Etekiera 25:16

Ao ngkai manga au tai ni karaoia kaain Biritia b'a Au kairiribai ma n tiringiia ni kabane aika a maeka n taiani kaawa ake i mataniwiin taari.

Teb'ania 2:5

Ngkami i Biritia aika kam nimamate, ngkami aika kam maeka i rarikin taari E a tia bairean taekam iroun te UEA. E na tiringi ngkami, ao bon akea ae na tiku ni maiu.

1.Tamuera 30:14

Ti a tia ni kurib'aia abaia kaain Kerita i Iuta maiaki ao aban te kaainga are Kareb'a, ao ti kabuoka Tikeraka.”