2.Tamuera 7:9 - Te B'aib'ara

⁹ I buokiko n taabo nako ike ko nako iai, I buokiko ni kamaunaia am kairiribai i boni matam. Ao I karikiko b'a temanna mai buakoia aomata aika kabanea ni kakannato ao n tanoata n te aonnaba.

2.Tamuera 7:9 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

2.Tamuera 22:1

Ao e anene Tawita nakon te UEA i mwiin kamaiuana mairouia ana kairiribai, ai moara ra riki Tauro. Aikai taekan ana anene:

2.Tamuera 22:30

Ko buaka ni kataenikaiia au kairiribai ma n taui aia kaawa nako.

2.Tamuera 22:43

I taobekaiia i buakon te tano, ao I kamanatuaia kaanga te bokaboka i nanon kawain nako nuukan te kaawa.

2.Tamuera 23:1

Aikai ana kabanea n taeka Tawita are natin Iete te m'aane. E rinea Tawita Atuan Iakob'a ao E karikia b'a te uea ae e kakannato. E tangiraki Iroun te Atua Iteraera ae E M'aaka. E taku Tawita ngke E taetae te Atua nakoina:

2.Tamuera 5:10

Ao e riki b'a te uea ao te tia tautaeka Tawita ae e korakora, i bukina ngke E mena te UEA ae Moan te M'aaka i rarikina.

2.Tamuera 8:13

E buakaniia ana taanga ni buaka Etom n te M'arua are Taari ao e tiringiia 18,000 tautia. E karaoa te kanuringa ngke e oki.

2.Tamuera 8:14

Ao e katikuia ana taanga ni buaka ni kabutaa aon Etom, ao a kariaia kaain Etom ni karikia b'a aia tia tautaeka. E buobuoka Tawita te UEA n taabo nako ike e nako iai.

2.Tamuera 8:6

E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

1.Rongorongo 17:8

I buokiko n taabo nako ike ko nako iai ao I tiringiia am kairiribai bon i matam. I a tia ni karikiko b'a te aomata temanna ae e rangi n kakannato n te aonnaba.

Taian Areru 21:6

Ko kakab'aiaa n taai nako, ao e kaonaki n te kukurei ni memenam i rarikina.

Taian Areru 89:23

N na kamanatuaia aiana, Ao N na kamateia ni kabaneia akana ribaia.

Ruka 1:52

E kab'akaia akana korakora man aia kaintokanuea, ao E karietataia akana mangori;

Iotua 6:27

Ao te UEA e memena i roun Iotua, ao e tanoata kakannaton Iotua i aon Kanaan ni kabutaa.

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 18:30

Ao a aki toki n roroko kaain Biritia ni buakana Iteraera, ma e totokanikai Tawita ngkana e buakaniia. Ao e riki b'a te aomata ae kakannato i bukina ngke a m'aiti riki ana totokanikai n te buaka i aoia kaain Biritia nakon Tauro ma ana aobitia.

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.

1.Tamuera 31:6

Ao ai anne aron maten Tauro ma natina m'aane ake teniman; a bane ni mate natin Tauro n te bong anne.

1.Tamuera 5:10

ma ngaia are, a manga kanakoa te Atiniberita nako Ekeron. Ma i m'aiin are a karinna ni mataroan te kaawa, ao a bane n takaarua kaain Ekeron ni kaangai, “A uotaamai te Atiniberita are Ana b'ai Atuaia Iteraera! Ane na tiringiira ma ara utu!”