2.Tamuera 7:8 - Te B'aib'ara

⁸ Tawita, aei au taeka Ngai ae te UEA ae Moan te M'aaka nakoim. I uotiko n nako mai man te tawaana are ko tararuaia am nanai n tiibu iai, ao I karikiko b'a te tia kairiiri irouia au aomata.

2.Tamuera 7:8 ပူးပေါင်းရင်းမြစ်များ

2.Tamuera 12:7

Ao e taku Natan nakon Tawita: Boni ngkoe te aomata ae e kaub'ai! Ko na ongora ngkai nakon te b'ai ae E taekinna te UEA ae te Atua i bukim: “I rineiko b'a uean Iteraera. I kaawakiniko mairoun Tauro

2.Tamuera 14:13

Ao e taku te aine arei: E aera ngkai ko karaoa te m'akuri ae e kaairua nakoia ana aomata te Atua? Ko bon kabuakakako n am taeka are ko a tia n taekinna, ngkai ko tuai man kaoka natim are e biri nako.

2.Tamuera 23:1

Aikai ana kabanea n taeka Tawita are natin Iete te m'aane. E rinea Tawita Atuan Iakob'a ao E karikia b'a te uea ae e kakannato. E tangiraki Iroun te Atua Iteraera ae E M'aaka. E taku Tawita ngke E taetae te Atua nakoina:

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

2.Tamuera 5:2

Ngke e bon uea naba ngkoa Tauro, ao ko bon kairiia naba ara botannaomata nakon te buaka. E a tia ni berita te UEA b'a ko na riki b'a te tia tautaekana Iteraera ma ni kaawakinna kaanga te tia kaawakintiibu.”

2.Tamuera 6:21

E taetae Tawita ni kaangai, “E aki rinea tamam te UEA ke temanna riki man ami utu b'a e na riki b'a te tia kairiiri irouia ana aomata. E rineai te UEA, ao I bukamaruia ni karinea.

1.Uea 3:6

Ao e kaeka Toromon: E kakaraoa te eti tamau are Tawita, ao ni karaoi naba mwiokoana ake ko tuangnga. Ko kakaonimaki nakoina, ao ko anganna te nati te m'aane are e a uea ngkai.

1.Rongorongo 17:7

Tawita, aio ana taeka Ngai, ae te UEA ae Moan te M'aaka nakoim. I uotiko ni kariniko man taian tawaana are ko kaawakiniia iai taian tiibu, ao I karikiko b'a te tia kairiia au aomata.

1.Rongorongo 21:17

ao e tataro Tawita ni kaangai, “Bon au kaairua te b'ai aei! I bure ngke I anga au taeka b'a a na warekaki aomata. Bon akea aia bure--bon tiibu ngaiia aika akea aia bure. Te UEA ae te Atua, taiaoka katuaaeai ma au utu, ao tai tiringiia am aomata n te aoraki.”

Amota 7:15

ma E anaai te UEA ma n au m'akuri ni kaawakin man, ao E kanakoai b'a n na taekina Ana taeka nakoia Ana aomata aika Iteraera.

M'akuri 7:46

are e a tia n reke akoana iroun te Atua. E butiia te Atua b'a E na anganna ana tai are e na kona iai ni katea nen Atuan Iakob'a ni maeka.

1.Tamuera 10:1

Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.

1.Tamuera 9:16

“I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”