2.Tamuera 7:22 - Te B'aib'ara

²² Te UEA ae Moan te M'aaka, Ko korakora riki nakoia ake tem'angina. Bon akea ae ti te bo ma Ngkoe, bon ti Ngkoe te Atua. A bane ni koaua b'aai ni kabane aika taekam ake ti ongo.

2.Tamuera 7:22 ပူးပေါင်းရင်းမြစ်များ

2.Tamuera 22:32

Bon ti Ngkoe te Atua! Bon ti ngkoe te b'a ae e korakora.

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

1.Rongorongo 16:25

E korakora te UEA ao ti bon riai n anganna ara nebonebo ae moan te bati! Bon ti Ngaia te Atua ae e riai taromauriana iroura

2.Rongorongo 2:5

E na riki b'a te Tembora ae moan te kakannato, i bukina ngke E kakannato riki Atuara nakoia anti ake tabem'aang.

Taian Areru 135:5

I ataia b'a E kakannato te UEA, E kakannato riki nakoia anti ni kabaneia.

Taian Areru 145:3

E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

Taian Areru 44:1

Te Atua, ti ongo n taningara, Ti kaongoaki irouia ara bakatibu taekan am M'akuri ake Ko karaoi ni boong ake ngkoangkoa:

Taian Areru 48:1

E kakannato te UEA, ao E na bati ni karaoiroaki n ana kaawa are maeka iai, i aon ana Maunga are tabu.

Taian Areru 86:10

Ko kakannato ao Ko karaoi baika kamimii; Bon ti Ngkoe te Atua.

Taian Areru 86:8

Te UEA, akea te atua temanna ae ai arom, Ao akea i buakoia ae e a tia ni karaoa are Ko a tia ni karaoia.

Taian Areru 89:6

Te UEA, akea n ai arom i karawa; akea i buakoia kaaini karawa ae ti te bo ma Ngkoe.

Taian Areru 89:8

Te UEA ae te Atua are Moan te M'aaka, akea n ai arom ni korakora; te UEA, Ko kakaonimaki ni b'aai nako.

Taian Areru 96:4

B'a E kakannato te UEA, ao E riai n rangi ni kamoamoaki; E na makaki riki nakoia anti ni kabaneia.

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 8:10

Ao e taku te uea, “Ko na karaoia nakon te ingabong. Ao e kukurei iai Moote ao e kaangai, “Ngkana ko tangiria. Ao a na bane aomata n ataia b'a bon akea riki te anti ae ai aron te UEA,

Te Otinako 8:6

Ao e ongotaeka Aaron, ao a rina n roko taian biraoki ni kabuta aon Aikubita.

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Itaia 40:18

Antai ae e na kabootauaki ma te Atua? iai te b'ai ae ai arona?

Itaia 40:25

E titiraki te Atua ae tabu, “Antai ae e kabootaua ma Ngai? Bon iai ae e boraoi ma Ngai?”

Itaia 45:18

Bon ti te UEA te Atua! E karikii taiani karawa ao e karaoa te aonnaba ike a maeka iai aomata, ao e aki karaoa te rereua ae akea kanoana. Bon ti te UEA te Atua; bon akea riki atua tem'angina.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 45:5

Bon ti Ngai te UEA! Bon akea riki atua i rarikiu. I a tia ni kakorakorako, e ngae ngke ko aki ataai.

Etekiera 36:22

ma ngaia are, ko na tuangiia Iteraera Au taeka ae e kaangai: Kam a tia ni kamatauningaa arau ae e tabu i buakoia botannaomata nako ake kam maeka i buakoia ngkai. Ma ngaia ae, e bon riai n aki reke nakoimi te b'ai ae n nang karaoia ngkai nakoimi. N na kaokingkami nakon mwengami ti i bukin karinean arau

Etekiera 36:32

Kaain Iteraera, I aki karaoi aikai i bukimi. Kam aki toki ni bubure nako iu, ao kam bon riai ni kamaamaaeaki ao ni kab'ainrangaki n te b'ai ae kam a tia ni karaoia. Bon aei au taeka Ngai ae te UEA ae te Atua.

Taniera 2:45

Ao ko noora naba te atiibu are e buubura are e b'aka i bon i rouna man te b'aa are e rietaata ni b'akara te bouananti are e karaoaki man te biti ma te buraonti, ma te tano, ma te tirewa, ao te koora. E tuangko ma te koaua te b'ai are ko miia, b'a te Atua are e korakora, E a tuangko iai te uea ae ko karineaki baika a na kaoti nakoni boong aika a na roko.”

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Te Tua-Kaua 3:24

Ara UEA, e tara n ae Ko a tib'a tabe ni kaota m'aakam ae korakora nako iu. Bon akea atuan karawa ke te aonnaba ae kona ni karaoi b'aai aika ab'ab'aki aika ko karaoi.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

Te Tua-Kaua 4:35

E tangiria te UEA b'a kam na ataia ae bon ti Ngaia te Atua ni koaua, ao E tangiringkami b'a kam na ongotaeka i Rouna. Ao bon anne bukina ngke E kaota nakoimi Ana kakai aika korakora, ao te ai ae uram'aaka i aon te aba, ao anne naba bukina ae kam ongo iai b'anaana man te ai ao mai karawa.

Te Tua-Kaua 4:39

Ma ngaia are, kam na uringnga b'a bon ti te Atua ni koaua te UEA, i eta i karawa, ke i nano i aonnaba.

1.Tamuera 2:2

Bon akea riki te atua n ai arom. Ao mai rouna ti a kamaiuaki nakon aon te maunga.