2.Tamuera 7:18 - Te B'aib'ara

¹⁸ Ao e nako Tawita n rin n te autinrianna are e a tia ni kateia i bukin te Atiniberita. Ao i mwiina, e tekateka ikekei n tataro ni kaangai: Te UEA ae Moan te M'aaka, e bon riai n aki reke nako iu ma au utu te b'ai ae Ko a tia ni karaoia nakoira,

2.Tamuera 7:18 ပူးပေါင်းရင်းမြစ်များ

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

Karikani B'aai 32:11

Kamaiuai, I tataro nakoim i bukin tariu are Etau. I a maaku b'a e nang roko ni buakanai ma n tiringiira ni kabane, n reitaki naba ma aine ao ataei.

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

2.Tamuera 7:17

E tuanga Tawita te burabeti are Natan b'aai ni kabane ake e ongo raoi n te mii.

1.Rongorongo 17:16

Ao e nako n rin Tawita n te autinrianna are e a tia ni kateia i bukin te Atiniberita. E tekateka ikekei ao e tataro: Te UEA ae te Atua, Ko bon aki riai n karaoi nako iu ma au utu b'aai aika ko a tia ni karaoi i bukira,

1.Rongorongo 29:14

Ma e aera ngkai ti na kukurei ngkai ti a tia n anganiko b'aintangira aikai? Bon am b'ai baikai, ao ti a manga kaoki nakoim ngke bon am b'ai.

Taian Areru 8:4

Tera te aomata, ngkai Ko m'annanoia; bon ti taian rab'ata ngaiia, ao Ko ururingiia!

Te Otinako 3:11

Ma e taku Moote, “B'a antai ngai ngkai N na kawara te uea ma ni kaotinakoia am aomata mai Aikubita?”

Itaia 37:14

Ngke e tia Etekia ni wareka te rongorongo mai roun uean Aturia, ao e uotia nakon te Tembora ao e taakinna b'a E na nooria te UEA.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

Tani Motiki-taeka 6:15

Ao e taku Kiteon, “Ma N na kanga ni kamaiuia Iteraera? Bon te kaainga are rangi ni mangori mai buakon kaaingan Manate au kaainga, ao boni ngai naba te kabanea ni mangori man au utu.”

Ruuta 2:10

Ao e bobaraaki Ruuta ni kabo matana ma aontano, ao e taku nakon Boaati, “Bukin tera ngkai ko nanoangaai? Bukin tera ngkai ko akoa te ianena?”

1.Tamuera 15:17

Ao e reitanako ana taeka Tamuera ao e taku, “Ko na tai iangoia b'a ko a rangi ni kakannato, b'a E rineiko te UEA b'a ko na uea b'a ko na tararuaia barongan Iteraera.

1.Tamuera 18:18

Ao e taku Tawita, “N na kanga ni iein ma natim te aine? Kai bon te aomata ngai ae akea arou, ao akea naba aron au utu.”

1.Tamuera 9:21

Ao e taku Tauro, “E aera ngkai ko tuangai te b'ai aei? Bon kaain te baronga ngai ae Beniamin, ae te kabanea ni uarereke ni baronga mai Iteraera, ao bon te kabanea ni mangori au kaainga mai buakon kaaingan te baronga.”