2.Tamuera 7:16 - Te B'aib'ara

¹⁶ N na kakoauaa raoi b'a e na uea n taai nako temanna mai buakoia am kariki.

2.Tamuera 7:16 ပူးပေါင်းရင်းမြစ်များ

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

2.Tamuera 22:51

Ko anga taian tokanikai aika a mimitong nakon am uea ae e rineaki. Bon akea tokin am kakaonimaki nakon Tawita ao i bukiia ana kariki n aki toki.

2.Tamuera 7:13

ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

2.Tamuera 7:17

E tuanga Tawita te burabeti are Natan b'aai ni kabane ake e ongo raoi n te mii.

1.Uea 2:4

Ko riai ni kakaonimaki n taai nako nakon te UEA ngkoe ma am kariki. Ngkana ko karaoa anne, ao ane E na kaawakina te berita aei ae E karaoia ma ngai b'a a na uea n taai nako ara utu i aon Iteraera.

1.Uea 9:5

ao N na kaawakina Au berita ma Tawita are e na uea n taai nako i aon Iteraera temanna man ami kariki.

2.Uea 19:34

N na bon kaawakinna bon ibuku, ao i bukin au toro are Tawita.

2.Uea 8:19

Ma E aki tangiria te UEA ni kamaunaa Iuta, i bukina ngke E a tia ni berita nakon ana toro are Tawita b'a e na tatautaeka n taai nako temanna man ana utu i aon Iuta.

2.Rongorongo 6:16

Ko berita ngkoa b'a e na riki ni uea n taai nako temanna mai buakoia ana utu i aon Iteraera, ngkana a karaoa aia kabanea n tamaroa nakoim, n aron are e a tia ni karaoia.

Iobi 36:7

E kakawakiniia aomata aika raoiroi; E kariaia b'a a na tautaeka b'a kaanga taiani uea, ao E karaoia b'a a na karineaki n aki toki.

Taian Areru 45:6

E na teimatoa n aki tootoki ueam are E a tia n anganiko te Atua; Ko tautaekaniia am aomata ma te eti;

Taian Areru 72:5

A bia teimatoa n toro iroum am Botannaomata n ai aron teimatoan taai ni kaotiota ootana, ao n ai aron naba nam'akaina n angaanga ootana nakon rooro ma rooro.

Taian Areru 89:4

‘E na uea n aki toki temanna man am Kariki; N na kateimatoa te nakoa n uea n am Kariki n aki toki.’ ”

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 17:25

ao ane e na tautaekanaki n taai nako Ierutarem ma Iuta irouia uea aika man kanoan Tawita. Ane a na rin man mataroan te kaawa aikai te uea ma ana mataniwi i aon taian aoti ke i aon taiani kaanibuaka, ao a na raonaki irouia kaain Iuta ma Ierutarem. Ane a na maeka n taai nako aomata i Ierutarem,

Ieremia 33:17

E na nako uean Iteraera man ana kariki Tawita,

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Ioane 12:34

Ma ngaia are, a kaeka aomata ni kaangai, “Ti ongo n te Tua b'a E na maiu n aki totoki te Kristo. Ko na kanga ngkanne n taku b'a E na kateaki rake Natin te Aomata? Antai Natin te Aomata anne?”

Ebera 1:8

Ma E taekina Natina ni kangai: “Ueam, te Atua, e na teimatoa n aki totoki; ao Ko na tautaeka ma te eti i aoia am aomata.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

1.Tamuera 25:28

I butiiko b'a ko na kab'araa au bure n te b'ai ae I a tia ni karaoia. E na kaueako te UEA, ma am kariki naba, i bukina b'a ko buaka i bukina; ao ko na aki karaoa te b'ai teuana ae e buakaka i nanon am tai ni maiu.