2.Tamuera 7:13 - Te B'aib'ara

¹³ ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

2.Tamuera 7:13 ပူးပေါင်းရင်းမြစ်များ

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

2.Tamuera 22:51

Ko anga taian tokanikai aika a mimitong nakon am uea ae e rineaki. Bon akea tokin am kakaonimaki nakon Tawita ao i bukiia ana kariki n aki toki.

2.Tamuera 7:16

N na kakoauaa raoi b'a e na uea n taai nako temanna mai buakoia am kariki.

2.Tamuera 7:27

E ngae n anne, bon te UEA ae Atuan Iteraera ae Moan te M'aaka Ngkoe. Ko a tia n tuangai b'a ko na karikiia b'a uea au kariki nako, Ao bon anne ngkai I kaungaaki n tataro nakoim n aron aei, e ngae ngkai bon ti am tia m'akuri ngai.

1.Uea 2:24

E kaueaai te UEA n onea mwiin tamau, ao E berita b'a a na uea i aon Iteraera aomata aika man ara utu. Eng, I tuea n aran te UEA b'a e na tiringaki Atoniia n te bong aei.”

1.Uea 2:4

Ko riai ni kakaonimaki n taai nako nakon te UEA ngkoe ma am kariki. Ngkana ko karaoa anne, ao ane E na kaawakina te berita aei ae E karaoia ma ngai b'a a na uea n taai nako ara utu i aon Iteraera.

1.Uea 2:45

Ma E boni kakab'aiaai te UEA ma ni kakorakoraa abanuean tamau n aki toki.”

1.Uea 5:5

E berita te UEA ae te Atua nakon tamau b'a ngkana e riki b'a te uea natina te m'aane, ao e na katea te Tembora i bukin taromaurian te UEA. Ma ngaia are, I a tia ni baaireia b'a N na karaoa anne.

1.Uea 6:12

Ngkana ko iri nanon au Babaaire, ma ni karaoi baika I tuangko, ao N na kawakina au Berita are I a tia ni karaoia ma tamam are Tawita.

1.Uea 8:13

I a tia ngkai ni karaoa te Tembora ae e mimitong ike ko na konaa ni maeka i nanona n aki toki.”

1.Uea 8:15

Ao e taku: Neboa te UEA ae Atuan Iteraera. E kaotinakoia ana Aomata man te aba are Aikubita n taai ake ngkoa. Ao i mwiina riki, E kakoroa bukin ana Berita ni karika tamau are Tawita b'a uean Iteraera. Ao e taku naba te UEA b'a E tuai n rinea te kaawa are e na karaoaki iai te tembora.

1.Uea 8:19

Ma bon tiaki ngkoe ae ko na karaoia. Natim te m'aane ae e na karaoa te Tembora i bukin neboau.”

2.Uea 21:4

I nanon te Tembora ike E riai n taromauriaki iai ti te UEA, ao e katea naba iai taiani baonikarean i bukiia antiia beekan,

2.Uea 21:7

e titirakiniia taani kaiwa arona ae e na karaoia ao e anga natina te m'aane b'a ana karea. E karaoi b'aai aika a rangi ni kam'araa, are e a rangi ni kauna iai te UEA. N ririki ake ngkoa ao E taku te UEA nakon Tawita ma natina te m'aane are Toromon I tangira riki Ierutarem nakon taabo ni bane i aon Iteraera. Bon Au b'ai, ao N na riai n taromauriaki iai n taai nako.

2.Uea 8:19

Ma E aki tangiria te UEA ni kamaunaa Iuta, i bukina ngke E a tia ni berita nakon ana toro are Tawita b'a e na tatautaeka n taai nako temanna man ana utu i aon Iuta.

1.Rongorongo 28:10

E a tia n rineiko te UEA b'a te tia katea te Tembora i bukin taromauriana. Ko na korakora ni karaoa am m'akuri ae ko a tia n anganaki.

2.Rongorongo 33:4

E katea naba te baonikarea Manate i bukin antiia beekan ao taian itoi i nanon te Tembora ike e kaantaningaaki b'a e na ti

2.Rongorongo 6:16

Ko berita ngkoa b'a e na riki ni uea n taai nako temanna mai buakoia ana utu i aon Iteraera, ngkana a karaoa aia kabanea n tamaroa nakoim, n aron are e a tia ni karaoia.

Iobi 36:7

E kakawakiniia aomata aika raoiroi; E kariaia b'a a na tautaeka b'a kaanga taiani uea, ao E karaoia b'a a na karineaki n aki toki.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 89:21

Iriana korakorau n taai nako, E na kakorakoraki ni m'akau.

Taian Areru 89:29

E na tei maan ueana n ai aron tei maanin karawa; E na ririki temanna n ana kariki b'a te uea n te tai teuana ma teuana.

Taian Areru 89:4

‘E na uea n aki toki temanna man am Kariki; N na kateimatoa te nakoa n uea n am Kariki n aki toki.’ ”

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 33:17

E na nako uean Iteraera man ana kariki Tawita,

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Tekaria 6:12

Tuangnga au taeka ae e kaangai, “Iai temanna ae na nako mai ikai kaanga te m'aanga ao e na katea te Tembora i buku. N na aranna b'a ‘M'aanga’, ao e na tautaeka ma te karineaki.

Tekaria 6:13

E na tei te ibonga i rarikin ana kaintokanuea, ao uoman mai buakoia a na riki b'a raao aika raoiroi.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Ebera 3:3

B'a E atongaki Teuaei b'a e riai ni m'aiti riki neboakina nakon neboakini Moote, n ai aron te tia kateitei ae e riai ni m'aiti riki karineana nakoni karinean te auti are e kateia.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.