2.Tamuera 7:10 - Te B'aib'ara

¹⁰ I a tia n anganiia au aomata aika Iteraera oin abaia ike a na konaa ni maeka ma te rau iai, ao a na aki manga ruru ni maaku riki. A na aki manga roko aomata aika a buakaka n aki karauaia, n aron are a tia ni karaoia ngkoa

2.Tamuera 7:10 ပူးပေါင်းရင်းမြစ်များ

2.Uea 21:8

Ngkana a na ongotaeka ma te kakaonimaki au Aomata nakon kaetieti ni kabane ake n ana tua au toro are Moote, ao N na bon aki kanakoia man te aba are I anganiia aia bakatibu.

1.Rongorongo 17:9

I a tia n anganiia au aomata aika Iteraera oin abaia ike a na konaa ni maeka ma te rau iai. A na aki manga ruru-a na aki manga karauaki irouia botannaomata aika a kam'ara, n aron are a tia ni karaoia

2.Rongorongo 33:8

Ngkana a kakaonimaki n iri nanon tuua ni kabane ao taian reirei ake I angan au toro are Moote, ao n na bon aki manga kakioia nako man te aba are I a tia n anganiia aia bakatibu.

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 44:4

Bon au Uea Ngkoe ao Atuau; Ko karekea te tokanikai nakoia ana aomata Iakob'a;

Taian Areru 80:8

Ko uota te kai ae te kureebe ni kaotinakoia mai Aikubita; Ko kakioia nako botannaomata tabeua ao ko unikia iai b'a ana abanna.

Taian Areru 80:9

I mwini kakioakinakoaia iroum, ao ti kanenei wakaara iai; Ao e buta aon te aba irouia.

Te Otinako 1:22

Ao n tokina ao e kanakoa ana katanoata te uea nakoia ana aomata ni kaangai, “Anaia naati mm'aane ni kabane aika a tib'a bungiaki, aika Ebera, ao karenakoia nako nanon te Naire, ma kam na kamaiuia aine.”

Te Otinako 15:17

Ko uotiia ni kariniia, ao Ko unikia i aon te maunga, te tabo ike Ko a tia n rineia te UEA i bukin Am auti, te Tembora are Ko boni kateia.

Itaia 5:2

E kena te tano raoraou, e kanakoi taian atiibu, ao e uniki taian kureebe aika a rangi n raraoi. E karaoa te taua n taratara ao e kena te b'angab'anga n te tabo ae e ririb'a i bukin kamantan taiani kureebe. E kaantaningaia b'a a na rangi ni karewerewe, ma a bane n tii nako uaaia aika a maai.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Ieremia 18:9

Ngkana I berita b'a N na kakorakoraa te botannaomata,

Ieremia 24:6

ike I tarataraia iai. Ao n te bong teuana N na kaokiia nakon te aba aei. N na unikia, ao N na aki manga taewakaiia, ao N na karikirakeia, ao N na aki manga uruia ni kab'akaia.

Etekiera 28:24

Ngkana e riki anne, ao ane a na aki manga iowawa kaawa akana i rarikin Iteraera aika a kabuakakaia ao a karikiia b'a a na namakinna b'a kaanga a mena ni katawanangin kaai aika kateketeke ma akanta. Ao a na ataai Iteraera b'a boni Ngai ae te UEA ae te Atua ae I karaoi baikai.

Otea 2:18

N na kariaia b'a ko na maeka ma te rau-ko na aki manga buakanaki irouia maan aika a aki manana ao mannikiba ke ana b'ai ni kamaamate man te buaka.

Amota 9:15

N na unikia Au aomata i aon te aba are I a tia n anganiia, ao a na aki manga taekaki nako.” Bon Ana taeka te UEA ae Atuami.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”

Tani Motiki-taeka 4:3

Bon iai ana kaanibuaka Iabin aika taian biti aika m'aitiia 900, ao e karawawataai maiuaia Iteraera i nanon 20 te ririki, ni karokoa a bubutiia te UEA buokaia.

1.Tamuera 13:17

Ao m'am'ananga tautian Biritia ni buakana te kaawa ma n anai b'aina ao ni kamaunaa n te bong koraki. Tekorakina man te taanga ni buaka a bo nako iaang n te kawai are n aonon Tuara.