2.Tamuera 6:22 - Te B'aib'ara

²² N na kaotia nakoim te karineaki ae e na reke irou! N na bon kab'ainrangai i bon irou. Ma taan m'akuri aika ko taekiniia aikai a na bon karineai naba!

2.Tamuera 6:22 ပူးပေါင်းရင်းမြစ်များ

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

2.Tamuera 6:21

E taetae Tawita ni kaangai, “E aki rinea tamam te UEA ke temanna riki man ami utu b'a e na riki b'a te tia kairiiri irouia ana aomata. E rineai te UEA, ao I bukamaruia ni karinea.

2.Tamuera 6:23

E aki roko n te kariki Nei Mikara.

Iobi 40:4

I taetae ni baba te UEA, tera ae N na kona ni kaeka? N na bon aki kataia n taekina riki te b'ai teuana.

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Taian Areru 131:1

Te UEA, I a tia ni kaaki kainikatongau, ao I toki man arou ni kamoamoa. I aki katabeai ma taekani baika kakannato ke baika kamimii nako iu.

Itaia 50:6

I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Mareko 14:66

Ngke e tiku i nano Betero n te tabo are otab'aniniaki n auti, are te tabo are akea rabunan aona, ao e roko te ataeinaine ae te tia m'akuri iroun mataniwiia ibonga;

1.Timoteo 1:15

E koaua te taeka aei, ao e riai ni kakiaki i nanoia aomata ni kabaneia, ae te taeka ae kaangai, E roko Kristo Iesu i aon te aba b'a E na kamaiuia taani bure. Ngai te kabanea ni buakaka;

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

1.Betero 4:14

Ngkana kam tataebuakaki i bukin arani Kristo, ao kam a kab'aia; b'a E mena iroumi te Tamnei ae kamimii arona, ae Tamnein te Atua.

1.Betero 5:6

Ma ngaia ae kam na kananorinanoingkami i aani bain te Atua ae baina ae m'aaka, b'a E aonga ni karietataingkami n te tai ae riai.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.