2.Tamuera 6:16 - Te B'aib'ara

¹⁶ Ao e taratara Nei Mikara are natin Tauro te aine man te winto ao e matakuakina te Atiniberita ngke e uotaki nako nanon ana Kaawa Tawita. Ao e rangi ni b'ainrang ngke e noora Tawita ngke e kibakiba rake ni m'am'aie nakon te UEA.

2.Tamuera 6:16 ပူးပေါင်းရင်းမြစ်များ

2.Tamuera 3:14

Ao e kanakoia ana mataniwi Tawita ma te rongorongo aei nakon Itiboteta: “Kaoka Nei Mikara are buu nako iu! I a tia n tiringiia tebubua m'aitiia kaain Biritia i bukin mareakiu ma neienne.”

2.Tamuera 5:7

Ao e taku Tawita nakoia ana taanga ni buaka, “Kam na riai n rin man kawain te ran ni karekeia kaain Iebuti aikai.

2.Tamuera 6:15

A bane aomata nako n takaarua ma ni katang taian buu ngke e tabe ni uotaki te Atiniberita.

2.Tamuera 6:20

Ao e okira mwengana Tawita b'a e aonga ni konaa ni buubutiia te UEA b'a e na kakab'aiaia ana utu. Ma e otinako Nei Mikara are natin Tauro te aine ao e a tatakarua nakoina ni kaangai, “Ko rangi ni kakannato n te bong aei! Ko karaoa aron te unim'aane ae e baareka, ni m'am'aie ni bebeekan i mataia am taan ni m'akuri aika ataeinaine.”

1.Rongorongo 15:29

Ao e taratara nako natin Tauro te aine are Nei Mikara man ana winto ni matakuakina uotakin te ati ni karinaki n Ana Kaawa Tawita. Ma ngke e noora Tawita ni kibakiba ni m'am'aie ni karinea te UEA, ao e rangi n nuka iai.

Taian Areru 123:3

Ko na nanoangaira, te UEA! B'a e korakora b'ainikirinara ao tiaki konai moaia.

Taian Areru 69:7

A tia ni mwemwe taeka ni kamaraki nano nako iu i bukim, Ao I taonaki n angin te mamaa ae bati.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

M'akuri 2:13

Ma a taetae ni kakaniko tem'angina ao a kaangai, “A koro ni manging n te wain!”

1.I-Korinto 2:14

Te aomata ae akea Tamnein te Atua i rouna e aki kona ni butim'aai b'aai ake ana b'ai Tamnein te Atua, b'a e taku n ana iango b'a b'aai n nanobaba; ao e aki kona n atai aroia ma bukiia i bukina b'a akea Tamnein te Atua i rouna.

1.Tamuera 18:17

Ao n te tai teuana, ao e tuanga Tawita Tauro ni kaangai, “Ngkana ko ninikoria ni buaka n ana buaka te UEA i buku, ao N na kaieiniko ma natiu te aine are te karimoa are Nei Meraba.” Ma e iango i nanona Tauro ni kaangai, “I aki tangiria n tiringa Tawita, ma ngaia are, N na kanakoa b'a a na tiringnga kaain Biritia i buku.”

1.Tamuera 18:20

Ao bon iai riki natin Tauro te aine ae arana Nei Mikara, ao e a tib'a ataia Tauro b'a e tangira ma Tawita. Ao e rangi ni kukurei iai Tauro,