2.Tamuera 5:6 - Te B'aib'ara

⁶ A maeka kaain Iebuti i Ierutarem, ao a kaira ana taanga ni buaka Tawita ni buakaniia. A aki kaantaningaia kaain Iebuti b'a e na konaa n rin, ma ngaia are, a taku nakoina, “Ko aki konaa n rin ikai! Ti konaa ni kakionakoko, e ngae ngkana ti mataki ke ti aki konaa n nakonako!”

2.Tamuera 5:6 ပူးပေါင်းရင်းမြစ်များ

Karikani B'aai 14:18

Ao e uota te kariki ma te wain Merekitereka are uean Tarem nakon Aberam. Bon Ana ibonga naba te Atua ae Moan te Rietaata Merekitereka.

2.Tamuera 22:30

Ko buaka ni kataenikaiia au kairiribai ma n taui aia kaawa nako.

Taeka n Rabakau 21:22

E konaa ni kataenikaia te kaawa ae e on n taian tautia ao n taua te nono ti temanna te aomata ae e wanawana.

Ieremia 21:13

Ierutarem, ko taratara nako mai aon tabukin te maunga n taraa aon taian m'arua ao ko taku b'a ko mano. Ma I un Ngai ae te UEA,

Ieremia 37:10

E ngae ngkana kam konaa ni kataenikaia aia taanga ni buaka ni kabane ma ane e na bon reke naba aia tai aika ikoaki aika nikira ni maiu ni kiitan aia autinrianna ma ni kaurarakea Ierutarem.

Ebera 7:1

Merekitereka arei bon uean Tarem, ao ana ibonga te Atua are Moan te Rietaata. Ngke e oki Aberaam man te buaka are e kamateia iai uea, ao e kaitibo Merekitereka ma ngaia, ao e kakab'aiaki irouni Merekitereka;

Iotua 10:3

Ma ngaia are e kanakoa ana taeka Atoniteteka nakon Oam are uean Eberon, nakon Biram are uean Iaremuta, ao nakon Iabia are uean Rakiti, ao Tebia are uean Ekiron ao e kaangai,

Iotua 15:63

Ao a uaia ni maeka aomatan Iuta ma I-Iebuti Ierutarem, ao n aki kona ni kakionakoia I-Iebuti mai Ierutarem. Ao anne bukina ae I-Iebuti a teimatoa ni maeka Ierutarem n reitaki ma aomatan Iuta.

Iotua 18:28

Tera, Ereba, I-Iebuti (ke Ierutarem), Kibeata, ao Kiriata-iearim. Bon tebwi ma aua bootan kaawa aikai, ao bon iai naba kaawa aika a uarereke i rarikiia. Ao ai anne ngkanne te aba are a anganaki utuun te baronga are Beniamin b'a abaia i roun Iotua.

Tani Motiki-taeka 1:21

A maeka kaain Iebuti i Ierutarem, ma a aki konaaki irouia te baronga are Beniamin ke n tauaki aia kaawa irouia. Ao bon anne bukina are a bon tiku naba ni maeka kaain Iebuti i Ierutarem i rarikiia kaain te baronga are Beniamin.

Tani Motiki-taeka 1:8

A buakana Ierutarem ma n taua, a tiringiia aomata ni kabane, ao a kabuokia ni kamaunaa.