2.Tamuera 5:23 - Te B'aib'ara

²³ E titirakina te UEA Tawita b'a tera ae e na karaoia, ao e kaeka te UEA ni kaangai: Ko na aki buakaniia mai mataia. Naako katobibia mai akuiia ao buakaniia mai buakon taian aroka ake marubere.

2.Tamuera 5:23 ပူးပေါင်းရင်းမြစ်များ

2.Tamuera 2:1

Tabeua te tai i mwiina, e titirakina te UEA Tawita ni kaangai, “E na riai b'a N na nako nakon kaawan Iuta?” Ao E kaeka te UEA ni kaangai, “Eng, Ko riai.” Ao e titiraki Tawita ni kaangai, “Ao te kaawa raa ae N na nako iai?” Ao E kaeka te UEA ni kaangai, “Naako Eberon.”

2.Tamuera 5:19

Ao e titirakina te UEA Tawita ni kaangai, “N na buakaniia kaain Biritia ke N na aki? Ko na katokanikaiai ke ko na aki? Ao E tuanga Tawita te UEA ni kaangai, “Buaka! N na katokanikaiko.”

1.Rongorongo 14:14

Ao e titirakina te Atua te uea are Tawita b'a tera ae e na karaoia, ao e taku te UEA, “Kam na aki buakaniia mai moaia. Naako meena i akuiia nakon te tabo are e mena iai taian aroka ake marubere.

Iotua 8:2

Ko na tiringa uean Ai n ai aron are ko karaoia naba ngkoa nakon uean Ieriko, ma n te tai aei ngkanne ao kam nang kaawakin kaub'aina nako ma manna b'a ai bon ami b'ai. Katauraoi ngkami b'a kam na kakubanakoia ni buakaniia mai akuiia.

Iotua 8:7

Ao kam na kawaekoai ngkami n otinako man te tabo are kam karabai ngkami iai ao kam na niniia te kaawa ma n taua. E na anga te kaawa te UEA ae Atuara nako nanoni baimi.

1.Tamuera 22:15

E koaua anne b'a I titirakina te UEA i bukina, ao a bon m'aiti au tai ni karaoa anne. Ao i bukin ngkanne kam'aneakim, ko na aki bukinai ke temanna mai buakoia au utu teuae ko karineaki. Bon akea te b'ai ae I ataia n te b'ai anne!”

1.Tamuera 23:2

Ma ngaia are, e titirakina te UEA ni kaangai, “E riai b'a N na nako ke N na aki nako ni buakaniia kaain Biritia?” Ao E kaeka te UEA ni kaangai, “Eng, ko na nako ni buaka ni kamaiua Keira.”