2.Tamuera 5:11 - Te B'aib'ara

¹¹ E kanakoia ana mataniwi tabeman Uean Turo are Iram nakon Tawita. Ao a airi ma ngaiia taani kaabenta ma taani koroatiibu, ao a uoti kaai aika taian tiira b'a aonga ni konaa ni katea ana bareti Tawita.

2.Tamuera 5:11 ပူးပေါင်းရင်းမြစ်များ

2.Tamuera 5:12

Ao e ataia Tawita b'a bon te UEA ae e karikia b'a te uea i aon Iteraera ao E a tia ni karikia b'a te tia tautaeka ae e korakora i bukin karaoan te raoiroi nakoia ana aomata.

2.Tamuera 7:1

Ao e m'aing Tawita nakon te bareti ae e boou, ao te UEA e kariaia b'a e na waaki abanueana ma te rau.

2.Tamuera 7:2

N te bong teuana, ngke e tabe n taetae Tawita ma Natan are te burabeti, ao e taku Tawita, “Nooria, I maeka n te bareti ae e karaoaki n te tiira, ma e meemena te Atiniberita i nanon te autinrianna.”

1.Uea 5:15

Bon iai naba ana taani m'akuri aika 80,000 aika taani koro atiibu i aon aaba ake a tabukibuki i Iteraera, 70,000 aika taani m'akuri aika taani uoti taian atiibu,

1.Uea 5:18

Ao a kaai ni m'akuri ana aomata Toromon ao Iram ma kaain te kaawa are Keeb'ara, ao a kaai ni karekei atiibu ma kaai ni katauraoi i bukin te Tembora.

1.Rongorongo 14:1

Ao e kanako ia tabeman ana mataniwi uean Turo are Iram nakon Tawita. A kairiia kabenta ma taani m'akuri n te atiibu, ao kaai aika tiira aika a tau m'aitiia i bukin katean ana bareti Tawita.

Etira 3:7

E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.

Taian Areru 30:1

I neboiko te UEA, b'a Ko kamaiuai; ao Ko tukiia aiau b'a a na aki b'ainingareai.

Etekiera 26:2

Etekiera ae natin te aomata, a tia kaain Turo ni karaoa aia bootaki ni kukurei i bukin b'akan Ierutarem ni kunaia ae e kaangai, “E a tia ni b'aka Ierutarem! bon te tabo ni kaboob'ai ngkoa, ae e rangi ni korakora. E kamaaenikunaaki ami kaawa ngkai, ao ko na onea mwiina.”

Iotua 19:29

E a manga b'aoua te tia nako Rama, ao e roko n te kaawa are e nonoaki are Turo, ao e a manga nako Ota ao e toki n taari are te Mereterenian. A aikai naba kaawa ake a reke i nanon abaia: M'araba, Aketib'a,