2.Tamuera 5:10 - Te B'aib'ara

¹⁰ Ao e riki b'a te uea ao te tia tautaeka Tawita ae e korakora, i bukina ngke E mena te UEA ae Moan te M'aaka i rarikina.

2.Tamuera 5:10 ပူးပေါင်းရင်းမြစ်များ

Karikani B'aai 21:22

Ao n te tai aei ao e m'ananga Abimereka ma Bikora are ana mataniwi n ana taanga ni buaka, ao e nakon Aberaam n tuangnga ni kaangai, “E raoningkami te Atua ni b'aai ni kabane akana kam karaoi.

2.Tamuera 3:1

Bon moanan te buaka ae e anaanau te buaka aei imarenaia ake a tei i bukin Tauro ma ake a tei i bukin Tawita. E rikirake ni mamaara korakoran Tauro, ma e rikirake ni buubura m'aakan Tawita.

2.Tamuera 7:9

I buokiko n taabo nako ike ko nako iai, I buokiko ni kamaunaia am kairiribai i boni matam. Ao I karikiko b'a temanna mai buakoia aomata aika kabanea ni kakannato ao n tanoata n te aonnaba.

2.Tamuera 8:14

Ao e katikuia ana taanga ni buaka ni kabutaa aon Etom, ao a kariaia kaain Etom ni karikia b'a aia tia tautaeka. E buobuoka Tawita te UEA n taabo nako ike e nako iai.

2.Tamuera 8:6

E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Taian Areru 24:10

Antai te Uea ae kakannato aei? Te UEA ae Moan te M'aaka-Boni Ngaia te Uea ae kakannato!

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Ruka 2:52

E rikirake rab'atan Iesu ma rabakauna, ao ai arona naba ma taatangirana iroun te Atua ao irouia aomata.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

1.Tamuera 18:12

Ao e maaka Tawita Tauro i bukina b'a E buoka Tawita te UEA ao E a aki manga buokia.

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 18:5

Ao e kokoro bukin b'aai ni kabane ake e kanakoaki b'a e na karaoi i roun Tauro, ma ngaia are, e karikia Tauro b'a te aobitia ae rietaata n te taanga ni buaka. Ao a bane ni kukurei aomata ni kabane, n reitaki ma ana aobitia Tauro ake tekorakina.