2.Tamuera 4:12 - Te B'aib'ara

¹² Ao i mwiin arei, e taku Tawita nakoia ana taanga ni buaka, “Tiringiia taari aika uoman aikai! Koroi baiia ma waeia ni kanakoi ao katinei rab'ataia i rarikin nein Eberon. Ma kam na tauna rab'atan Itiboteta n ana ruanimate Abenera i rarikin Eberon.” Ao a karaoa arei.

2.Tamuera 4:12 ပူးပေါင်းရင်းမြစ်များ

2.Tamuera 1:15

Ao ko a manga taekina te b'ai are ko a tia ni karaoia.

2.Tamuera 16:8

ane e na kabooa mwiin te b'ai are ko a tia ni karaoia te UEA i bukin tiringakiia ana utu Tauro aika a m'aiti. Ko iraea abanueana, ao ngkai e a tia te UEA n angan natim te m'aane are Abetarom. Ao bon anne ngkai ko a reke n te kangaanga ae e korakora!”

2.Tamuera 2:8

Abenera are natin Nera te m'aane bon ana tia kairiiri temanna Tauro ngaia n te taanga ni buaka. E uota natin Tauro te m'aane are Itiboteta ri aon te karaanga are te Ioretan nako Maanaim

2.Tamuera 21:9

ao e anga ngaiia nakoia kaain Kibeon, ake a anaiia ni kabaei roroaia i aon te maunga ni kaan ma te tabo are taromauriaki iai te Atua. E riki aei ni moan taian te b'aare.

2.Tamuera 3:32

E taunaki Abenera i Eberon, ao e tei Tawita ma aomata nako ietan ruana ao a tang n takaarua.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.