2.Tamuera 3:39 - Te B'aib'ara

³⁹ Bon te uea ngai ae I rineaki, ma bon iai riki m'aakaia Ioaba ma Abitiai nakon ae I karaoia. Ma ngaia are, E na bon kabooa mwiin te m'akuri ae e buakaka te Atua ae a karaoia.”

2.Tamuera 3:39 ပူးပေါင်းရင်းမြစ်များ

2.Tamuera 16:10

Ao e kaeka Tawita ni kaangai, “Ko na aki katabea nanom iai ma tarim are Ioaba. Ngkana arona b'a e kamaraiaai Timei b'a e tuangnga te UEA, ao antai ngkami b'a kam na katokia?”

2.Tamuera 19:13

Ao tuanga Amatia ni kaangai, “Bon ai natiu ngkoe, ao E na riki te Atua b'a te tia kakoaua b'a I tuea b'a N na karikiko b'a au kam'aanta n onea mwiin Ioaba.”

2.Tamuera 19:22

Ao e taku Tawita, “Abitiai, tera ae n na riai ni karaoia ma tarim ane Ioaba? Ngkami taan tuangai b'a antai ae e kaairua? I a tia n rineaki b'a aia uea Iteraera ni kabane n te bong aei, ao bon akea temanna ae e na tiringaki!”

2.Tamuera 3:38

Ao e taku Tawita nakoia ana mataniwi. “Kam aki ataia ae e a tia ni mate n te bong aei temanna ana tia kairiiri Iteraera ae e korakora?

1.Uea 2:32

E tiringiia m'aane aika akea aia bure n te aro ae e aki ataaki iroun tamau. A raoiroi riki m'aane aikai nakon Ioaba.

1.Uea 2:9

Ma ngaia are ngkai, ko na riai ni katuaea. E a boni m'aane, ma ngkoe, ko a wanawana n ataa arom ni kamatea.

1.Rongorongo 22:5

Ao e taku, “E na riai ni kakannato ana Tembora te UEA, b'a a aonga ni bane n ataia aomata nako n te aonnaba. Ma ngkai e rangi ni uarereke natiu te m'aane ae Toromon ao e tuai wanawana, ao n na riai moa ni katauraoi b'ain katean te Tembora ni kabane.” Ao bon anne bukina are e karaoi b'aai ni kabane iai aikai Tawita i m'aain matena.”

1.Rongorongo 29:1

E taku Tawita nako ia aomata: E rinea natiu te m'aane are Toromon te Atua b'a e na katea te Tembora, ma e uarereke Toromon ao e tuai rabakau ni kateitei. Tiaki te auti n aki akaaka te auti aei b'a bon ana Tembora te UEA ae te Atua!

2.Rongorongo 13:7

Ao i mwiin rikin Reoboam b'a te uea, ngkoe ma akana a iririko akana akea manenaia, kam kaewenakoa Reoboam, are e bon rangi n raa ma n aki konai uotana ni katokiko.

Taian Areru 101:8

N na bane ni kamaunaia akana buakaka i aon te aba ni katoa ingabong; B'a a aonga ni bane n nako akana buakaka man ana kaawa te UEA.

Taian Areru 28:4

Ko na karawawataia i bukini baike a tia ni karaoi, i bukin m'akuri ake a buakaka. Katuaeaia i bukin aia m'akuri ni kabane: anganiia booni mwin aia m'akuri ae a tia ni karaoia

Taian Areru 62:12

ao e teimatoa au tangira. Boni Ngkoe, te Uea, ae Ko angania aomata n tatabemaniia nako booni mwin aia m'akuri.

Taian Areru 7:16

B'a e na boni b'akaraki ni mwin oin ana m'akuri ae e buakaka, ao e na ikoaki ni mwin oin ana iowawa.

Taian Areru 75:10

E na uru korakoraia akana buakaka, Ao E karikirakei korakoraia akana raoiroi.

Te Otinako 21:12

Tuaan te tiriaomata bon te manga tiringaki.

Taeka n Rabakau 20:8

A katinei taiani kakoaua, taan tautaeka aika a karaoa aia motikitaeka.

Taeka n Rabakau 25:5

A riai ni kanakoaki aomata aika a buakaka i m'aain ae e tautaeka ma te eti te aomata temanna.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Itaia 7:4

Tuanga Aati b'a e na aki raraoma. Bon akea te b'ai ae e na maaka iai te uea are Retin ao Bika. E rangi ni kakamaaku uniia, ma bon akea aroia b'a ti kaanga te ai ngaiia ae a mate.

Ieremia 38:5

Ao e kaeka te uea are Tetekia ao e taku, “E raoiroi, kam konaa ni karaoa ane kam taku nakoina; I aki konaa ni katoki ngkami.”

Taniera 6:16

Ma ngaia are, e a anga ana taeka te uea i bukin Taniera b'a e na karenakoaki i nanon te m'anono are e kanoaaki irouia raian. Ao e taku nakon Taniera, “E bia kamaiuko Atuam ane ko toro i rouna ma te kakaonimaki.”

Warekaia Iteraera 32:23

Ma ngkana kam aki kakoroa bukin ami berita, ao kam na bure iai nakon te UEA, ao kam na katuaaeaki.

I-Rom 13:4

B'a ana aomata te Atua ngaia ao tabena bon te buokiko nakon ae e raoiroi. Ma ngkana ko karaoa ae buakaka ao ko bon riai ni maku, i bukina b'a bon iai m'aakana ni kareke kai: b'a ana aomata te Atua ngaia ae te tia irantaanga ae karaoa nanon te Atua ni karekea kain ane karaoa ae buakaka.

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

Tani Motiki-taeka 9:57

Ao E katuaaia naba kaain Tekem i bukina ngke a boutokaa Abimereka. A bane ni koro bukin ana taeka ni kamaraia Iotam.