2.Tamuera 3:20 - Te B'aib'ara

²⁰ E kairiia uangaun tautia ma ngaia Abenera, ao ngke a roko i Eberon, e karaoa butim'aeana Tawita n te bootaki n am'arake ae e korakora.

2.Tamuera 3:20 ပူးပေါင်းရင်းမြစ်များ

Karikani B'aai 26:30

Ao e a karaoa ana baka n am'arake Itaaka ma ngaiia, ao a am'arake ma ni mooi.

Karikani B'aai 31:54

E tiringa te man, ao e anga b'a te karea i aon te maunga, ao e kaoiia ana aomata nakon ana baka n am'arake, ao a tiku ni kangainaa i aon te maunga.

2.Tamuera 3:19

Ao n tokina, e a taetaenikawai Abenera ma te baronga are Beniamin. Ao i mwiina, e kiitana Eberon n tuanga Tawita b'aai ni kabane are a tangiria kaain te baronga are Beniamin ao nikiraia Iteraera ni karaoia.

2.Tamuera 3:21

Ao e taku Abenera i mwiin te baka n am'arake, “Ko kariaia b'a N na nako ngkai, ao N na kaoka Iteraera nako ikai i bukin karaoan te boraraoi ma ngkoe. Ko na riki b'a te uea i bukin te botannaomata ae e b'anin, n aron are ko tangiria.” Ao Tawita, e tuanga Abenera b'a e nang nako, ao e nako, ao akea te kiriwe ae e karaoia.

Etita 1:3

Ao n ana katenua n ririkin tautaeka, e karaoa ana baka n ana am'arake ae e ab'ab'aki i bukiia ana aobitia ma ana taani kairiiri. Ao a roko naba taan kairiiri man te taanga ni buaka mai botia ma Miria, n reitaki naba ma taian kowana ma aomata aika kakannato man aaba nako mai nanon abanueana.

1.Tamuera 25:36

Ao e nako Nei Abikaira n oki nakon Nab'ara, are e bon mena ni mwengana ni karaua ni kukurei n ana baka n am'arake ae e karaoia ae kaanga ai aron ana baka te uea. E mooi manging ao akea te b'ai ae e riki i rouna, ma ngaia are, akea te b'ai teuana ae e karakinna neierei nakoina ni karokoa te moaningabong are i mwiina.